DIOS MUNANQANNÖ KAWANAPAQ

Jehoväpa yachatsikïninta alli chaskishun

¿IMANIRTAQ PRECISAN? Jehoväqa Alli kaq Yachatsikoqmi, y yachatsikïninqa manam imawampis igualantsu. Kawënintsik mas alli kanampaq y shamoq tiempuchö änimanqantsikkunaman pensanapaqmi yanapamantsik (Isa 11:6-9; 30:20, 21; Rev 22:17). Jehoväqa yachatsimantsik nunakunapa kawëninkunata salvanapaqmi y tsëtaqa ruran alli kaq yachatsikïninta qomarnintsikmi (2Co 3:5).

¿IMANÖTAQ RURASHWAN?

Humildi y manshu kanapaq kallpachakurnin (Sl 25:8, 9).
Jehovä yachatsimanqantsikta chaskikurnin, y Cristiänunö Kawakunapaq y Yachatsikunapaq reunionchö demostracionta alli rurarnin.
Diospa markanchö mas yanapakunapaq kallpachakurnin (Flp 3:13).
Mas yachatsikïkunata chaskinapaq imëkanöpa kallpachakurnin (Flp 3:8).

POQU CRISTIÄNU KANAPAQMI JEHOVÄQA YACHATSIMANQANTSIK NEQ VIDEUTA RIKÄRIR, KË TAPUKÏKUNATA CONTESTARIYË:

Diospa Gobiernumpita Yachatsikoqkunapaq Escuëlaman ëwayänampaqqa, ¿fäcilku wakin cristiänukunapaq karqan?
Tsë Escuëlachöqa, ¿imatataq yachatsikuyan?
Escuëlapita yarqoqkuna yachakäyänampaqqa, ¿imatataq chäyanqan congregacionchö cristiänukuna rurayashqa?
Tsë Escuëlaman ëwayänampaqqa, ¿imatataq rurayänan? (kr-S päg. 189).
Jehoväpa markanchöqa tukï escuëlakunam kan, ¿mëqanmantaq ëwanëkipaqtaq kallpachakïkanki?

Diospa Gobiernumpita Yachatsikoqkunapaq Escuëlaman ëwaqkuna Namibiachö, Noruëgachö, Japonchö y Estädus Unïduschö yachatsikïkäyan — Jehovä yachatsikunqanta alli chaskikurninqa, ¿ima bendiciontataq chaskinki?