Familiantsikta kuyashun

Familiachö llapankuna kuyanakurqa kushishqam kawakuyan. ¿Imanötan ollqu kaqkuna, warmi kaqkuna y teyta kaqkuna familianta kuyayanqanta rikätsikuyanman?

Casakushqa nuna warminta kuyarninqa cuentamanmi churan warmin imata munanqanta, imanö kanqanta y imanö sientikunqanta (Ef 5:28, 29). Y familianta manteninampaqpis imëkatam ruranqa y Bibliapita yachakuyänampaqpis shumaqmi tiempunta patsätsinqa (1Ti 5:8). Casakushqa warmiqa nunan ninqantam cäsukunan y ‘shonqupita patsëmi respetanan’ (Ef 5:22, 33; 1Pë 3:1-6). Ishkankunam imëkachöpis perdonanakuyänan (Ef 4:32). Y alli teytakunaqa wamrankunatam cuidayan y Jehovä Diospitam yachatsiyan (Dt 6:6, 7; Ef 6:4). ¿Ima problëmakunapatan escuëlachö wamrakuna pasayan? Y escuëlachö mana allita rurayänampaq inkitayaptinqa, ¿imatatan rurayänan? Familiachö llapankuna kuyanakurninqa kushishqam kawakuyanqa.

FAMILIËKITA IMËPIS KUYANQËKITA RIKÄTSI NEQ VIDEUTA RIKÄRIR, KË TAPUKUYKUNATA CONTESTË:

• 

  ¿Imanötan juk nunaqa warminta kuyanqanta rikätsikun?

• 

  ¿Imanötan juk warmiqa nunanta respetanqanta rikätsikun?

• 

  ¿Imanötan teytakuna wamrankunata yachatsiyänampaq kallpachakuyan?