Bibliapita yachakuykaqkunata Diospita mas yachakuyänampaq yanapë

Bibliata estudiëkaqkunaqa Jehovä Diosta reqiyänampaq y pë munanqannö kawayänampaqqa, manam Bibliata yachakur qallayanqanllawantsu quedakuyänan, sinöqa kikinkunam Bibliapita mas yachakuyänampaq kallpachakuyänan (Mt 5:3; Heb 5:12–6:2).

Bibliapita yachëkätsinqëki nunataqa qallananllapitana yachatsi preparakunampaq (mwb18.03 päg. 6). Y Bibliata yachakunampaqqa puntataqa Diosmanraq mañakunampaq yachatsi. Jw.org päginachö yarqamoqkunata seguïdu yachakunampaq y JW Broadcasting^® progrämata cada killa rikänampaq yanapë. Cada junaq Bibliata leyinampaq, reunionkunapaq preparakunampaq y imatapis mas yachakuyta munar kikin ashinampaq yanapë. Y imata yachakunqanman alli pensanampaq yanapë.

BIBLIAPITA YACHAKUYKAQKUNATAM YANAPANANTSIK: DIOSPITA MAS YACHAKUYÄNAMPAQ NEQ VIDEUTA RIKÄRIR, KË TAPUKUYKUNATA CONTESTË:

• 

  ¿Imanötan Rïtaqa Rösata yanaparqan yachakuyanqanchö respuestanllata mana ashinampaq?

• 

  Manaraq casakur piwampis punukuyta Jehovä chikinqanta entiendinampaqqa, ¿imatan Rösata yanaparqan?

• 

  Imata yachakunqantsikman alli pensëqa, ¿imanö yanapakunqantatan Rösa yachakurqan?