Bibliapita yachakuykaqkunata yanapë Jehoväwan amïgu kayänampaq

Jehoväqa kuyarnin sirwinatam munan (Mt 22:37, 38). Bibliapita yachakuykaqkunataqa Teyta Diosta kuyayanqanmi yanapanqa mana allikunata rurëta dejayänampaq y bautizakuyänampaq (1Jn 5:3).

Bibliapita yachakuykaqkunata yanapashun pëkunata Jehovä kuyanqanta musyayänampaq. Capaz kënö tapushwan: “¿Këqa imatatan Jehoväpita yachatsishunki?” o “¿Këqa imanötan rikätsishunki Jehovä kuyashunqëkita?”. Jehovä cada junaq imanö yanapanqanta rikäyänampaq yanapashun (2Cr 16:9). Mañakunqëkita Jehovä imanö contestashunqëkita willë y pëpis Jehoväta mañakuptin imanö contestanqanta rikänampaq nï. ¡Alläpachi kushikushun yachëkätsinqantsik nuna Jehoväwan amïgu kanampaq kallpachakoqta rikar!

BIBLIAPITA YACHAKUYKAQKUNATAM YANAPANANTSIK: JEHOVÄ DIOSTA MAS KUYAYÄNAMPAQ NEQ VIDEUTA RIKÄRIR, KË TAPUKUYKUNATA CONTESTË:

• 

  Rösaqa, ¿imapatan pasarqan?

• 

  Rïtaqa, ¿imanötan yanaparqan?

• 

  Rösaqa, ¿imatatan rurarqan?