¿Pikunatan Internetchö amïguykikuna kayan?

Alli amïguqa amïgunkunatam kuyan. David Goliat-ta wanuratsiptinmi Jonatanqa Davidpa amïgun tikrarqan (1Sa 18:1). Jonatanqa David allikunata ruranqantam rikarqan y Davidpis tsënöllam rikarqan, tsëmi alli amïgu tikrayarqan. Noqantsikpis alli amïguta tarinapaqqa alliran reqinantsik, kallpachakunantsik y tiemputam patsätsinantsik. Internetchöqa fäcil-llam “amïgukunata” tarita puëdintsik. Peru Internetchöqa manam willakuyantsu pikuna y imanö kayanqanta, tsëmi alli reqita puëdintsiktsu. Tsëmi Internetchöqa llutallaqa pitapis amïguntsik kanampaq ashishwantsu. Mana reqinqantsik nunakunataqa manam chaskinantsiktsu llakikuyänampaq kaqta pensarnimpis. Alläpa peligrösu kaptinmi wakinkunaqa Internetchö amïguta ashiyantsu y wakimpanäqa cuentankunapis manam kantsu. Peru qam Internetchö amïgukunata ashita munarqa, ¿imatatan cuentachö katsinkiman?

PARLANËKIPAQ INTERNET-TA UTILIZARQA ALLEQ CUIDAKÏ NEQ VIDEUTA RIKÄRIR, KË TAPUKUYKUNATA CONTESTË:

• 

  Internetman fötuykikunata manaraq churar o imatapis manaraq qellqarqa, ¿imatatan cuentachö katsinëki?

• 

  Internetpa amïgukunata ashirqa, ¿imanirtan alli akrankiman?

• 

  Internet-ta utilizarqa, ¿imanirtan ëka tiempu kanëkipaq kaqta cuentachö katsinkiman? (Ef 5:15, 16).