Internetchö päginantsik: japallantsik o familiantsikwan estudianapaqmi yanapakun
Tsëllaraq yarqamushqa revistakunata lei. Kë päginachöqa congregacionnikiman manaraq chämoq Täpakoq y ¡Despertad! revistakunatam tarinki. Jina wiyanapaq grabacionkunatapis tarinkim. (Ëwë quechuachö “Publicacionkuna/Revistakuna”.)
Internetllachö këkaq yachatsikïkunata rikë. Wakin yachatsikïkunaqa Internetpa päginantsikllachömi yarqamunqa. Këkunaqa kayan “El rincón del joven”, “Mis primeras lecciones de la Biblia”, “Actividades para la familia” y “Los jóvenes preguntan” nishqankunam. Japallëki o familiachö Diosta adorana hora këkunapita yachakï. (Ëwë españolchö “Enseñanzas bíblicas/Niños” o “Enseñanzas bíblicas/Jóvenes”.)
Tsëllaraq pasakunqan noticiakunata rikë. Alli rurayanqankunata y experienciankunata lei, y Diospita yachatsikï imanö entero patsachö mirëkanqanta ichik tiempo duraq vidëokunachö rikë. Jina desgracia pasakunqankunata o chikimarnintsik imëkata prohibimanqantsik willakïkunata, tsëta musyarninmi tsë pasanqanmannö cristiano mayintsikkunapaq mañakunki (Sant. 5:16). (Ëwë españolchö “Noticias” neqman.)
Llapan publicacionkuna neqta utilicë. Idiömëkichö kaptinqa utilicë, Llapan junaqkuna Bibliapita yachakunapaq follëtota o tsëllaraq yarqamushqa publicacionkunata leinëkipaq computadörëkichö o Internet yëkunan aparätokunachö. (Ëwë quechuachö “Publicacionkuna/Llapan publicacionkuna” o qellqë www.wol.jw.org/es nishqan direccionta.)
[4 kaq päginachö dibüju]
(Imanö yarqamunqanta rikëta munarqa, kikin publicacionta rikäri)
Yachakï
1 Jukman yëkunapaq lapiriptikim, PDF nishqanchö tsë yachatsikï yarqamunqa. Imprimirir wamrëkikunawan yachakuyë.
2 Vidëo rurinchö këkaq simbolota lapiri vidëota rikänëkipaq.