Internetchö päginantsik: yachatsikunapaqmi yanapakun
Päginantsikman yëkuyänampaq invitë. Capaz wakin nunakunaqa noqantsikwan parlëta o publicacionintsikkunawan quedakïta munayanqatsu. Pero quizá jw.org päginawan Testïgokuna pikuna kayanqanta wayinkunallachö ashita munayanman. Tsëqa, puëdinqëkimannö wiyayäshoqnikikunata päginantsikman yëkunampaq invitë.
Tapukuyaptin contestanëkipaq utilicë. Territoriochö yachakïta munaq o reqinqëki nuna Testïgokuna pikuna kayanqanta tapuyäshuptikiqa yacharatsi computadöranchö o Internet yëkunqan aparätonchö. Pero más alliqa kanqa kikin Bibliawan contestanqantsikmi. Si tsë hora Internetnin mana kaptinqa, rikäratsi imanö jw.org päginachö tapukïninkunapa respuestanta tarinampaq. (Ëwë españolchö “Enseñanzas bíblicas/Preguntas sobre la Biblia” o “Sobre nosotros/Preguntas frecuentes”.)
Publicacionta reqinakunqëkiman apatsi. Päginantsikchö PDF o EPUB nishqan archïvokunatam juk correo electrönicoman apatsita puëdinki. Jina wiyanapaq publicacionkunatapis jorqëta puëdinkim y juk CD-man grabëtapis. Manaraq bautizakushqa nunaman librota, revistata o follëtota complëtota apatsirninqa informekichömi yupëta puëdinki. Tsënö kaptimpis manam pï mëpaq llutaqa apatsinkimantsu, o jutikita mana willakurllaqa manam apatsinëkitsu y manam juk päginakunamampis churankimantsu. (Ëwë quechuachö “Publicacionkuna” nishqanman.)
Tsëraq pasakushqa noticiakunata rikätsi. Tsëkunam estudiantekikunata y yachakï munaqkunata yanapanqa entero patsachö yachatsikïkanqantsikta y jukllëllanö kanqantsikta musyayänampaq (Sal. 133:1). (Ëwë españolchö “Noticia” nishqanman.)
[5 kaq päginachö dibüju]
(Imanö yarqamunqanta rikëta munarqa, kikin publicacionta rikäri)
Yachakï
1 “Publicacionkuna” nishqanchö jukta akrë, y leinallapaq o wiyanallapaq kaqchö jorqanëkipaq botonninta lapiri.
2 “MP3” nishqan botonchö lapiriptikim atska yachatsikïkuna yarqaramunqa. Jukta jorqanëkipaqqa, tïtulon kaqchö lapiri, o tsëllachö wiyëta munarqa kë ▸ simbolochö lapiri.
3 Juk idiömankunachö publicacionkunata jorqëta munarqa, kë listachö ashiri.