¿JW Library aplicacionta utilicëkankinaku?

JW Library aplicacionqa grätisllam, këmi yanapashunki Bibliata, wakin publicacionkunata, vidëukunata y wiyanëkipaq kaqkunata celularnikiman, tabletnikiman y computadörëkiman jorqanëkipaq.

IMANÖ JORQANËKIPAQ Internetman yëkurir JW Library aplicacionta jorqë. Porqui tsë aplicacionqa tabletkunapaq, celularkunapaq y maskunapaqmi. Internetman yëkushqa këkarna kichë JW Library aplicacionta y tsëchöna mëqan publicacionta jorqëta munanqëkita akrë. Internet mana kapushuptikiqa, Diospita Yachatsikuna Wayichö o mëchöpis Internet kanqanchö tsë aplicacionta jorqë. Publicacionkunata jorqarirqa mananam Internetta wanankinatsu. Tsë aplicaciontaqa, cada tiemputam mas alliyëkätsiyämunqa mas alli funcionanampaq, tsëmi precisanqa tsë kaqtana katsinëki.

¿IMANIRTAQ KATSINËKI? JW Library aplicacionqa alläpam yanapakun Bibliapita yachakunapaq y reunionkunapaq. Jina mëchö tsëchö këkarpis yachatsikunapaqmi yanapakun.