JW Library aplicacionta tukïnöpa utilizäshun

YACHAKUNAPAQ:

• Bibliata y Llapan junaqkuna Bibliapita yachakunapaq follëtuta tsëchö leyi.

• Anuario libruta, revistakunata y wakin publicacionkunata tsëchö leyi. “Marcadores” neqta utilicë leyikar mëchö quedakunqëkita tarinëkipaq.

• Reunionchö yachakunapaq kaqkunata tsëchö estudië y parlakurinëkipaq kaqta markë.

• Vidëukunata tsëchö rikë.

REUNIONKUNACHÖ:

• Yachatsikamoq nimunqan textukunata ashi. “Historial” nishqan yanapakïta utilicë puntata leyinqëki textuman kutirinëkipaq.

• Atska librukunata puritsinëkipa rantin, JW Library aplicacionta utilicë, reunionchö yachakunëkipaq y cantanëkipaq. Kë aplicacionchöqa mushoq canticukunapis këkannam.

YACHATSIKÏCHÖ:

• Yachakï munaqta tarirqa JW Library aplicacionpita imallatapis rikäratsi, y tabletninman o celularninman tsë aplicacionta y publicacionkunata jorqanampaq yacharatsi.

• “Buscar” nishqan yanapakïta utilicë ima palabrallatapis qellqarnin, Bibliachö textukunata tarinëkipaq.

• Juk vidëuta rikäratsi. Wamran kaptinqa, Jehoväpa amïgun kë neqchö mëqan vidëullatapis rikäratsi. Jina Bibliapita maslla yachakïta munarinampaq ¿Imanirtaq Bibliapita yachakunkiman? neq vidëuta rikäratsi. Juk idiömata parlaptinqa, tsë idiömachö vidëukunata ashirapï.

• Juk idiömachö Bibliata tabletnikiman jorqanqëkita yachatsikunqëkichö rikäratsi. Versïculuta ashirir tsë nümeruchö lapiri, tsëpitana llullu Bibliachö lapiri.