DIOSNINTSIKTA ALLI SIRWINAPAQ
Wawqi panikunatam anciänukuna yanapayan
Mëtsikaq nunakunam autoridäyoq kaqkunata chikiyan. ¿Imanir? Autoridäyoq kayanqanta välitsirnin kikinkunallapaq imëkata rurayaptinmi. Unëpitam autoridäkuna tsënö kayanqanta rikantsik (Miq 7:3). ¡Diospa sirweqninkunachöqa alläpa jukläyam kayan! Jehovämi anciänukunata yachatsin jukkunata yanapayänampaq (Est 10:3; Mt 20:25, 26).
Anciänukunaqa manam kë munduchö kikinkunallapaq imatapis munaq autoridäkunanötsu kayan. Jehoväta y wawqi panikunatam rasumpa kuyayan (Jn 21:16; 1Pë 5:1-3). Anciänukunaqa, Jesus ruranqannöllam wawqi panikunata yanapayan juk familianölla kushishqa kayänampaq. Y Jehoväta mas kuyayänampaq y pëman confiakuyänampaqmi yanapayan. Wawqi panikuna ima desgraciapa pasayaptin o qeshyarnin hospitalchö kayaptinqa, anciänukunam ras o sas ëwayan yanapayänampaq. Imapapis pasarqa anciänukunawan parlë yanapayäshunëkipaq (Snt 5:14).
JEHOVÄQA ANCIÄNUKUNAWANMI SIRWEQNINKUNATA CUIDAN NEQ VIDEUTA RIKÄRIR, KËKUNATA CONTESTË:
¿Imanötan anciänukunaqa Mariänata yanapayarqan?
¿Imanötan anciänukunaqa Elïasta yanapayarqan?
Kë videuta rikärirqa, ¿ima ninkitan anciänukuna rurayanqampaq?