Alli yachakunapaq
Cancionkunata dememoria yachakushun
“Llakinashqa kanqä hörakunam Jehoväqa JW Broadcastingchö yarqamoq cancionkunawan animaman” (Lorraine, Estädus Unïdus).
Cristiänukunaqa Jehoväta alabarmi imëpis cantayashqa (Col. 3:16). Dememoria cancionkunata yachakurqa, cancionëruyki mana kaptin o celularchö o computadörachö mana katsirpis cantëtaqa puëdinkim. Cantanëkipaqqa këkunata ruranqëkim yanapashunki.
Cancionkunapa letranta yachakuy y alli entiendinëkipaq tiemputa raki. Imatapis alli entiendirqa, rasllam o sasllam yarpantsik. Y jw.org päginachömi cancionkunapa letrantaqa tarinki. Tsëchömi këkan, JW Broadcastingchö yarqamoq cancionkunapa letran y wamrakunapaq yarqamushqa cancionkunapa letrampis. Tsëta tarinëkipaqqa yëkuy, “Rurayämunqankuna” neqman y tsëpitana, “Müsica” neqman.
Cancionkunata papelman qellqë. Tsëmi yanapashunki tsë cancionkunata mas fäcil-lla yachakunëkipaq (Deut. 17:18).
Fuertipa cantar yachakuy. Tsë letrakunata kutin kutin leyi o cantë.
Qellqanqëkita mana rikashpa cantë. Alli o mana alli cantashqa kanqëkita musyanëkipaq qellqanqëkita rikë.