¿Kanan tiempuqa mëchötan alli consëjukunata tarishwan?
Kanan tiempuqa imëkapis cambiarëkanmi. Tsëqa, ¿imanöraq musyashwan decidinqantsikkuna alli kanampaq kaqta? ¿Imanöraq musyashwan kanan alli kanqan shamoq tiempuchö mana alli kanampaq kaqta?
Bibliachö ninqannö imatapis decidirqa, manam imëpis arrepentikushuntsu. ¿Imanir? Bibliataqa Teyta Diosmi qaramarquntsik. Pëqa allim musyan kushishqa y següru kawanapaq imata wananqantsikta.
“Pëqa nishurqunkinam ima alli kanqanta”(Miquëas 6:8).
Bibliachöqa alli consëjukunam kan, tsëmi “kanampis y imëpis” tsëkunaman confiakunantsik (Salmus 111:8).
Kanan tiempuqa imëkapis cambiarëkanmi, tsëmi Bibliachö consëjukunata yachakunëkipaq animariyaq.