¿Imatataq rurankiman textukunata yarpänëkipaq?

¿Mëqan textutan mas gustashunki? Gustashunqëki textuqa capazchi consolashurqunki, animashurqunki y mana alli pensëkunata vencinëkipaq o jukkunata animanëkipaq yanapashurqunki (Sal. 119:11, 111). Peru capazchi tsë textukuna ninqanta o mëchö këkanqanta yarpankitsu. Tsënö kaptinqa këkunata ruranqëkim yanapashunki.

• JW Librarychö etiquëtakunata utilicë. Celularchö o tablëtachö Bibliata leyikarnin gustashunqëki textuta tarirqa, yapë leyinëkipaq o yarpänëkipaq tsë versïculuman lapïkur masyoq cuadradïtuman yëkuy, tsëpitana “Añadir etiqueta” neqchö “Yarpänäpaq textu” nir jutinta churë.a

• Mas rikanqëki sitiuman churë. Wakinkunaqa tsë gustanqan textukunatam juk höjaman qellqëkur espëjunkunaman o refrigeradörankunaman laqayan. Wakinkunanam fötuta tomëkur celularninkunapa o computadörankunapa pantällanman churayan.

• De memoria yachakunëkipaq takshalla papelman qellqë. Papelpa juk kaq lädunman textuta qellqë y qepanmanna tsë textu ima ninqanta qellqë. Tsëpitana juk kaq lädunta rikëkur, qepanchö ima ninqanta yarpë.