¿Imatan yanapashunkiman Bibliëkita alli yachakunëkipaq?

Mushoq Patsachö Kawaqkunapaq Bibliata leyirqa cada versïculuchömi palabrakunapa lädunchö ichisaq letrakunata tarinki. Tsë letrakunaqa, leyikanqëki versïculuta maslla entiendinëkipaqmi juk versïculukunaman apashunki. Imprimishqa Bibliachöqa, cada versïculuchömi palabrakunapa lädunchö ichisaq letrakunata tarinki, y tsë letratam chowpin columnachö ashinëki y tsëchönam rikanki ima textuman apashunqëkita. Y jw.org päginachö o JW Library^® aplicacionchö Bibliata leyirqa, cada versïculuchömi palabrakunapa lädunchö ichisaq letrakunata tarinki y tsë letraman lapirkuptikinam juk textukuna yarqaramunqa.

Tsë ichisaq letrakunaman yëkurqa, ¿imakunatataq yachakuyta puëdinki? Wakinllata rikärishun:

Leyikanqëki versïculuchö ninqantanöllam juk versïculukunachö tarinki. Entiendinëkipaq ashi 2 Samuel 24:1 textuta, tsëchömi tarinki juk ichik letrata, y tsë letranam apashunki 1 Crönicas 21:1 textuman.

Leyikanqëki versïculuta ima textupita jipishqa kayanqantam tarinki. Entiendinëkipaq ashi Mateu 4:4 textuta, tsëchömi tarinki juk ichik letrata, y tsë letranam apashunki Deuteronomiu 8:3 textuman.

Pasakunampaq kaqkunata Dios willakunqankunata y imanö cumplikanqantam tarinki. Entiendinëkipaq ashi Zacarïas 9:9 textuta, tsëchömi tarinki juk ichik letrata, y tsë letranam apashunki Mateu 21:5 textuman.