¿Yarpankiku?

¿Ultimu yarqamoq Täpakoq revistakunata leyirqunkiku? ¿Puëdinkimantsuraq kë tapukuykunata contestëta?

¿Imanirtan Jehoväta alabashwan?

Teyta Jehovätaqa alabantsik alläpa respetarmi, llapan shonquntsikwan kuyarmi y nunakuna reqiyänanta munarmi (w25.01, pägina 3).

Pillapis ofendimashqaqa, ¿imatan yanapamashwan perdonanapaq?

Imanö sientikunqantsiktaqa manam mana kaqpaqqa churanantsiktsu; ofendimaqnintsikta manana chikiparqa, shonquntsikchömi kushishqa sientikushun (w25.02, päginakuna 15 y 16).

¿Imatataq kanan witsan jövinkuna Marcuspita yachakuyanman?

Marcusqa wakinkunata yanapanampaq listum këkarqan. Capazchi Marcusqa llakikurqan ishkë kaq viäjinchö Pablu pushëta mana munaptin. Peru ¿tsërëkurku qelanäkurirqan? Manam. Tsëpa rantinqa Pabluwan y poqushqa cristiänukunawanmi amïgu sïguirqan (w25.04, pägina 27).

Teytan Jehoväman Jesus mañakurnin “jutikita[m] pëkunata musyatsirqö” nirqa, ¿ima nitataq munëkarqan? (Juan 17:26).

Jesuspa qateqninkunaqa, Diospa jutin Jehovä kanqanta musyayarqannam. Tsëqa, ¿ima nitataq munëkarqan ‘jutikitam pëkunata musyatsirqö’ nirqa? Diosnintsik imanö kanqanta yachatsinqampaqmi nikarqan. Jesusqa clärum entienditsishqa karqan Diosnintsik imakunata ruramunampaq kaqta, imatapis imanir ruranqanta y kuyakoq kanqanta (w25.05, päginakuna 20 y 21).

Ima asuntutapis mana musyarqa o mana entiendirqa, ¿imanirtan humildi kanantsik?

Manam llapantaqa musyantsiktsu. Manam musyantsiktsu mana alli nunakunata Diosnintsik imë ushakätsinampaq kaqta, imanö yanapamänapaq kaqta ni warë warantin pasakunampaq kaqkunata. Jehoväqa kikintsikpitapis masmi reqimantsik (w25.06, päginakuna 15 a 18).

Publicacionnintsikkunata leyir o discursukunata wiyarqa, ¿imatataq rurashwan?

Capaz kënö pensashwan: “¿Ima pruëbakunatataq utilicëkan alli entienditsikunampaq? ¿Këchö utilicëkanqan ejemplukunaqa yanapamanmantsuraq alli entienditsikunäpaq? Kë tëmapitaqa, ¿pikunatataq parlapärïman, o imëtan parlapärïman?” (w25.07, pägina 19).

Davidta perdonanqanwanqa, ¿Jehovä imanö perdonakoq kanqantataq entiendintsik?

David mana allikunata rurashqa kaptimpis, Jehoväqa rasumpa arrepentikuptinmi perdonarqan (1 Rëy. 9:4, 5). Tsënöllam Jehovä perdonamarnintsikqa jutsa ruranqantsikkunata chipyëpa qonqëkun (w25.08, pägina 17).

Bibliapita yachatsishqa mana entiendiyaptinqa o Biblia ninqanta cumplï mana fäcil kaptinqa, ¿imatataq rurashwan?

Manam tsë höra imëkanöpa entienditsita procuranantsiktsu, tsëpa rantinqa qateqnin kaqta yachatsirmi sïguinantsik y tsë mana entiendinqan kaqtaqa yapëchö entienditsinantsikpaqmi ninantsik(w25.09, pägina 24).

Jutsapaq “engañakoq” nirqa, ¿ima nitataq munëkan? (Heb. 3:13).

Jutsasapa karnin mana allikunata rurashqa y Jehovä Diosnintsik mana kuyamanqantsikta seguïdu pensashqam (w25.10, pägina 16).

¿Imatataq rurashwan llapan shonquntsikwan Jehoväman mañakunapaq?

1) Jehovä Diosnintsik imanö kanqanman pensashun. 2) Manaraq mañakurnin imata ninapaq kaqtaraq pensarishun. 3) Ama apurädu apuräduqa mañakushuntsu (w25.10, päginakuna 19 y 20).

¿Imanötan edäna kaqkunata yanapashwan?

Seguïdu visitashun y qayashun, doctorman ëwaptin compañashun o Diospita yachatsikunapaq invitashun (w25.11, päginakuna 6 y 7).

¿Imakunatataq noviuwan novia rurayanman casakuyanqan junaq Jehovä munanqannö kanampaq?

Autoridäkuna niyanqantam cumpliyänan, Diosta mana sirweq nunakunapanö mana kanapaqmi alli patsätsiyänan, alli juiciuwanmi vistikuyänan y altsapäkuyänan, Biblia ninqampa contranqa manam ima costumbritapis rurayänantsu y imanö kananta munayanqantam familiankunawan y amïgunkunawan cläru y respëtuwan parlayänan (w25.12, päginakuna 21 a 24).