Ucraniachö guërra qallanqampitaqa juk watanam cumpliramushqa | ¿Ima nintan Bibliachö?

2023 wata viernis 24 de febrëru junaqmi, Ucraniachö guërra qallanqampita juk watana cumpliramushqa. Musyaqkunam willakuyan Ucraniapita y Rusiapita trescientus milnö soldädukuna wanuyanqanta o herïdu quedayanqanta, y treinta milnö nunakuna wanuyanqanta. Tsënö kaptimpis, capazchi herïdukuna y wanoqkunaqa tsëpitapis masraq kayan.

Willakuyanqan llakikuypaq kaptimpis, tsë guërra ushanampaqna kaqtaqa manam imapis rikätsikuntsu.

• “Ucraniachö Rusia guërrata qallanqampita juk watanöna pasashqa kaptimpis, tsë guërra ushanampaqna kaqtaqa manam imapis rikätsikuntsu. Manam mëqan nacionpis tsë guërrata gananampaqnötsu këkan, y acuerduman chäyänampaq o mana chäyänampaq kaqpis manam musyëtsu” (NPR [Estädus Unïduschö Radiu Pública Nacional niyanqan radiu], 2023 wata 19 de febrëru).

Tsë guërrachö y entëru Patsachö mas guërrakunachö imëkapa pasayanqanta y alläpa sufriyanqanta rikarmi, nunakunaqa alläpa llakishqa këkäyan. ¿Ima nintan Bibliachö? ¿Imëllapis guërrakuna ushakanqatsuraq?

Guërrakunata ushakätseq guërra

Bibliachö willakunqan guërraqa, ushakätsinampa rantinmi nunakunata salvanqa. Tsë guërrataqa Armagedon nirmi reqiyan. Tsë guërraqa, “llapanta Puëdeq Teyta Dios nunakunata juzganan tiempuchö[mi]” kanqa (Apocalipsis 16:14, 16). Tsë guërrachömi Teyta Diosqa, llapan gobiernukunata y sufrimientuta apamoq guërrakunata ushakätsinqa. Armagedon guërra kanqan yamëna kawakunapaq imanö yanapakunqampita masta musyëta munarqa, këkunachö willakunqanta leyiri:

• “¿Imatan Armagedon guërraqa?”

• “Ushakë Junaq chämunampaq kaqqa alli noticiam”