Patsachö imëkata malograyan | ¿Imataraq Diospa Gobiernun ruramunqa?

“Alläpa achachaptin y alläpa tamyaptinmi mëtsëchö nunakuna imanö këta puëdiyannatsu, mëtsë markakunam peligruchö këkan, y tsënöllam plantakuna y animalkunapis peligruchö kayan. Tiempu imëpitapis mas cambiashqa kaptin alläpa tamyar y shukukuy vientu shärir imëkata ushakätsiptinmi pïmë nunakuna wayinnaq y ni imanaq quedëkäyan. Tsënöllam wakin sitiuchö lamar yaku achachar qallëkushqa kaptin lamar rurinchö kawaq animalkuna y plantakunapis peligruchö këkäyan” (Naciones Unidas niyanqanchö secretaria general adjunta y Programa de las Naciones Unidas para el Medio Ambiente niyanqanchö directora ejecutiva Inger Andersen, 25 de juliu 2023).

Kë llapan problëmakunaqa pasëkan nunakuna Patsachö imëkata malograyaptinmi. ¿Gobiernukunaqa imëllapis yanapanakur imallatapis rurayanqatsuraq kë problëma manana sïguinampaq? ¿Puëdiyanqatsuraq kë problëmata ushakätsita?

Bibliachömi nin tsë llapan problëmakunata juk gobiernu ushakätsita puëdinqanta y ushakätsinampaq kaqta. “Ciëluchö Teyta Diosqa juk gobiernuta[m] churamunqa” ninmi. Tsë Gobiernuqa entëru Patsatam gobernamunqa (Daniel 2:44). Tsë Gobiernu gobernamuptinqa “manam ni ima mana allita rurayanqatsu ni imata ushakätsiyanqatsu”. Awmi, manam kë Patsata malograyanqanatsu (Isaïas 11:9).