Jesucristum guërrakunata ushakätsimunqa

Kë Patsachö këkarqa, alläpa kuyamarnintsikmi Jesusqa noqantsikrëkur wanurqan (Mateu 20:28; Juan 15:13). Tsënö kuyamarnintsikmi “patsachö guërrakunata” ichikllachöna ushakätsimunqa. Tsëtaqa ruramunqa Diospa Gobiernunchö gobernamurmi (Salmus 46:9).

Bibliachömi Jesus këkunata ruramunampaq kaqta willakun:

• Salmus 72:12-14 textuchömi kënö willakun: “Pëmi salvanampaq mañakoq waktsakunata, humildikunata y yanapayänanta munar qayakoqkunata salvanqa. Pëqa waktsakunata y humildikunatam llakipanqa, y waktsakunatam salvanqa. Pëkunapa vïdanta alläpa valorarmi sufritseqninkunapita y maqaqninkunapita salvanqa”.

Jesus noqantsikpaq ruranqanta y ruramunampaq kaqtaqa, ¿imanötan agradecikushwan? Jukqa kanman këta rurarmi: “Diospa Gobiernumpita alli noticiakuna” ima kanqantam shumaq yachakushwan (Lücas 4:43). Jesuspis tsë alli noticiakunatam willakurqam. Leyi “¿Imataq Diospa Gobiernun?” neqta.