Jehoväta kuyaqkunallawanmi amïguqa kanantsik

Amïgukunaqa alliman kar o mana alliman karpis chäratsimashwanmi. Tsëmi Jehoväta kuyaqkunallawan amïgu kanantsik (Pr 13:20). Mandakoq kaq sacerdöti Jehoiadäwan juntu kanqan witsanqa, rey Jehoasqa Jehoväpa rikënimpaq allikunatam rurarqan (2Cr 24:2). Peru Jehoiadä wanuriptinqa, mana alli amïgukunawan juntakurmi Jehoväpa contran imëka mana allikunata rurarqan (2Cr 24:17-19).

Pabluqa juk jatun wayitawanmi Diospa markanta igualatsirqan, y tsëchö kaqkunatanam wayichö kaq cösaskunatawan. Jehovä Diosta mana wiyakoqkunawan mana juntakurmi, ‘alli kaqchö inshina’ cösaskunanö kantsik. Y tsë mana alli amïgukunaqa Diospa markanchö o familiantsikchöpis kayanmi (2Ti 2:20, 21). Jehoväta kuyaqkunallawan amïgu kanqantsikqa yanapamäshunmi.

MANA ALLI AMÏGUKUNAWAN JUNTAKÏTA EVITË NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imakunachötaq mana cuentata qokushllapa mana alli amïgukunawan juntakur këkashwan?

• Videuchö rikanqantsik Jehoväpa sirweqninkunataqa, ¿imataq yanaparqan mana alli amïgunkunata jaqiyänampaq?

• ¿Imanötaq Diospa Palabranqa yanapamantsik alli amïgukunata akranapaq?