“Llapan nunakunam juk idiömallata parlayaq”

11:1-4, 6-9

Babel markachöqa llapan mana cäsukoq nunakuna rakikäyänampaqmi, Jehoväqa atska idiömakunawan pantatsirqan. Peru kanan witsanqa “juk alli idiömallata” parlayänampaqmi llapan markakunapita y tukï idiömata parlaq nunakunata ëllïkan o qorïkan, tsënöpa “llapankuna Jehoväpa jutinchö qayakuyänampaq, juknölla yanapanakur sirwiyänampaq” (Sof 3:9 TNM; Rev 7:9). Bibliachö ninqannöpis, “kë alli kaq idiömaqa” Jehoväpita y ruramunampaq kaqkunapita yachakunqantsikmi.

Juk idiömata yachakuyqa manam palabrakunata yarpänanllatsu, sinöqa tsë idiömata parlaq nunakuna pensayanqannö pensëmi. Tsënöllam Diospita y ruranqankunapita yachakuyqa yanapamäshun pensënintsik jukläya kanampaq (Ro 12:2). Jehovä munanqannö pensanapaq kallpachakunqantsikmi yanapamantsik Diosta sirwinqantsikchö juknölla kanapaq (1Co 1:10).