Igualatsikïkunawan yachatsikï

Mateu 13:34, 35

KËPAQMI PARLAN: Maslla wiyakïta munayänampaq, yachatsikunqëki shumaq kanampaq y alli yachakuyänampaq, fäcil entiendipaq igualatsikïkunawan yachatsikï.

¿IMANÖTAQ RURASHWAN?

• Fäcil entiendipaq igualatsikïkunata rurë. Jesusqa trïgupaq, murukunapaq y maskunapaq parlarmi imatapis shumaq entienditsikurqan, tsënölla qampis rurë. Y imallapaqpis parlarnin yachatsikïkanqëkita entienditsikïkarqa ama maskunataqa parlënatsu wiyëkaqkunata mana pantatsinëkipaq. Tsëmi igualatsikïta ruranqëkipis yachatsikïkanqëkipaq parlanan.

• Pikunata yachëkätsinqëkiman pensë. ¿Imakunatataq nunakuna cada junaq rurayan y imakunapaqtaq parlëta munayan? Tsëkunapaqmi parlanëki igualatsikïkunata rurarnin. Peru tsëkunapaq parlarpis, manam penqakatsinqan kaqkunata parlanëkitsu, mana ofendikuyänampaq.

• Yachatsinqëkita yarpäyänampaq yanapë. Yachëkätsinqëkita shumaq entiendiyänampaq igualatsikïkunata rurë. Y ruranqëki igualatsikïllata yarpäyänampa rantin, imata yachakuyanqanta yarpäyänampaq yanapë.