Diospa amigonkunaqa allilatam rurayan

Huk amigontsik kaptenqa shumaqpam rikantsik, respetantsik, pëno ketam munantsik. “Jehovaqa allapa älli, derechom”, ninmi Bibliaqa (Salmo 25:8). Diospa amigon keta munarqa, älli, derecho nunam kanantsik. Bibliaqa ninmi: “Kuye wamrankunano, Diosno kaye, pepa kuyënincho purikäye” (Efesios 5:1, 2). Kechomi rikäshun, imata rurarshi Jehovano kashun:

Wakinkunata yanaparnin. “Allillata rurashun llapankunapaq.” (Gálatas 6:10.)

Alli uryakoq karnin. “Suwakoq karqa, ama suwakutsunnatsu, suwakonqannöqa, alli uryatsun makinkunawan, alli uryata rurar.” (Efesios 4:28.)

Mana ima rakchakunata rurarnin, llapancho limpio karnin. “Paqashun llapan rakchakunata etsapeq, espiritupeq, santidadta alliyätsir Diosta mantsakurnin.” (2 Corintios 7:1.)

Familiantsikta kuyakïwan, respetowan rikarnin. “Qamkuna [...] kuyaye warmikikunata kikikikunatano; tsenolla, warmipis respetatsun allapa qowanta. Wamrakuna wiyakuye teytekikunata.” (Efesios 5:33–6:1.)

Wakinkunatapis kuyarnin. “Kuyanakushun huknintsik huknintsikkunawan, Diospam kuyakiqa.” (1 Juan 4:7.)

Markekipa leyninkunata wiyakurnin. “Llapeki alma, sujetakuye [gobiernokunaman] [...]. Llapanta qoye qoyanëkita: impuesto mañakoqta, impuestota.” (Romanos 13:1, 7.)