¿Imataq pasaran Jyubá Dyusta mana kasushanllaparayku?

Adanwan Evaqa wanuranllapa Dyusta mana kasushanllaparayku (1 Timoteo 2:14).

Evaqa Satanás dyabluta kasur chay qirupa puquyninta Dyus ‘ama mikuychu’ nishanta mikuran. Chaymantaqa Adantapis qutin mikuran.

Mana Jyubá Dyus munashanta rurarqa uchakuranllapa, chayrayku Dyusqa Adawan Evata urquran chay nasquy wirtamantaqa.

Chaymanta-pacha paykuna wamrankunawan kusalata qischakaranllapa, rukuyaranllapa wanuranllapapis ima. Wanurqa mana syiluman ni maylaw lugarmanpis riranllapachu, ashwanpis chay pacha rurakashanman tikrakaranllapa.

Wanushakunaqa allpapaq tikrakanllapa, chayrayku mana imatapis rurayta puytinllapachu (1 Corintios 15:47, 48).

Tukuy nuqanchikkuna Adanpa Evawan wamrankuna kanchikllapa, chayrayku nuqanchikkunapis wanunchikllapa. Wanushakuna mana uyakuyta rikakuyta puytinllapachu (Eclesiastés 9:5, 10).

Jyubá Dyusninchikqa runakuna mana wanunanta munaranchu. Chay diya wanushakunata kawsachimunanpaq ĉamuyanna. Jyubá Dyusninchikta kasuqkunaqami manana wanunqallapanachu, ashwanmi paykuna tukuy tyimpupaqna kawsanqallapa.