¿Imanutaq Adanwan Evaqa unay kawsaranllapa?

Dyusninchikqa Adanwan Evata shumaq imakunata quran (Hechos 17:25).

Jyubá Dyusninchikqa nawpaq warmi Eva shutiqta rurarqa Adanta quran warmin kananpaq (Génesis 2:21, 22).

Dyusninchikqa Adanwan Evataqa mana uchayjuntachu ruraran. Yarpuynin kwirpunmapis kusa allin karan.

Kawsayaranllapa uk wirta Edén shutiqpi, chay lugarqa kusala asquy karan: karan riyukuna, qiru kusala puquyniyjunkuna animalkuna ima.

Jyubá Dyusqa paykunawanqa parlaq, achka imakunata yaĉachiq ima. Dyusta uyapar kasur imaqa, tukuy tyimputa kawsananllapapaq karan.

Dyusninchikqa paykunata willaran ama uk qirupa puquyninta mikunanllapapaq (Génesis 2:16, 17).

Jyubá Dyusninchikqa Adanwan Evata willaran: ‘Ama chay qirupa puquyninta mikuyllapachu nir, chaymanta mikurqa wanunkillapa chayrayku’.

Uk angelqa mana Jyubá Dyusta kasuyta munaranchu. Chay mana allin angelqa Satanás dyablu shutin.

Satanás dyabluqa mana munaranchu paykuna Jyubá Dyusninchikta kasunanta, chayrayku Evata llullachiran uk kulibrata rimachir yupay. Chaqa niran: “Qamkuna kaymanta mikurqami mana wanunkillapachu”, niranpis “Dyus yupay kankillapa nir”. ¡Kabalta llullakuran! (Génesis 3:1-5).