Imatataq rurankiman Bibliata liyir allita intrakanaykipaq

¿Bibliata liyiyta kamashaykichu? Ichapis desanimakashayki kanqa Bibliaqa kusala achka mana intrakayta puytishaqchu ima nir yarpurqa. Pero ama desanimakaychu, kaypi yaĉhakunki imatataq rurankiman Bibliata liyir allita intrakanaykipaq nir.

1. ¿Imapaqtaq Bibliataqa cada día liyinkiman?

Qamqa cada día ʻDiospa mandakuynintaʼ liyirqa kusala shumaqta kawsanki (liyiy Salmo 1:1-3). Qallarinaykipaqqa piti pitila cada día Bibliataqa liyiyta puytinki, Bibliata mas liyitkiqa mas gustashunqa.

2. ¿Imanutaq Bibliataqa liyinkiman vidaykipi yanapashunanpaq?

Biblia yanapashunanpaq Bibliapi liyishaykikunapi allita yarpunkiman. Diosqa uk runituta kaynu niran: “Kay libropi kaq leytaqa […] allita yarpunki” (Josué 1:8). Bibliata liyiyarqa, kaykunapi yarpuy: “Kay versiculokunaqa, ¿imatataq yaĉhachiman Jehová Diosmantaqa? ¿Imanutaq yanapamanqa mas shumaqta kawsanaypaq? ¿Imanutaq wakinkunata yanapayta puytishaq?”.

3. ¿Maymantataq tiemponchiktaqa urquypaq Biblianchikta liyinapaq?

Bibliata liyinaykipaq mana tiempoyki kanmanchu, achka runakunapis mana tiempoyjunchu, pero Bibliaqa kaynu nir animachimanchik: ʻkay tiempokunapiqa imuraspis allinlata rurar kawsayllapaʼ nir (Efesios 5:16). Tiempoykita urquy Bibliataqa liyinaykipaq. Achka runakuna allaq allaq Bibliataqa liyinllapa. Wakinkuna-shuypaqa tarde manaqa tuta liyinllapa. Qam-shuypaqa, ¿imurastaq Bibliaykitaqa liyinayanki?

MAS INTRAKASHUNLLAPA

4. ¿Imatataq rurankiman Bibliata liyiyta munanaykipaq?

Mana facilchu Bibliata liyiq qallariyqa, ¿manchu? Pero imanutaq uk itita mamanpa lechin kusalata gustan, chaynu nuqanchikkunatapis Biblianchikta mas liyishaqa mas gustamashun. Liyiyllapa 1 Pedro 2:2, chaymantaqa kaykunamanta parlayllapa:

• ¿Bibliata cada día liyitkiqa mas liyiyta gustashunqachu?

VIDEOTA rikayllapa, chaypi rikanki imatataq wakin musukunaqa rurashallapa paykunalla munar Bibliata liyinanllapapaq, chaymantaqa kaykunamanta parlayllapa:

VIDEO: Jóvenes que han aprendido a amar la Palabra de Dios (5:33)

• Musukuna video rikashanchikpi, ¿imakunatataq ruraranllapa Bibliata liyiyta puytinanllapapaq?

• Chay musukunataqa, ¿imataq yanaparan ama desanimakananllapapaqchu?

• ¿Imatataq ruraranllapa Bibliata liyiyta mas munananllapapaq?

Kaynu Bibliataqa liyiq qallariyta puytinki:

• Maskay uk Biblia dasla intrakaypaq kaqta. La Biblia. Traducción del Nuevo Mundo liyiy.

• Bibliapi unay runakuna Diosta servishakuna mas gustashuyashanta liyiq qallariy. Kay tabla “Bibliata liyiq qallariy” niq yanapashunqa.

• Bibliapi liyishaykita señalay. Kay tablapi “Bibliata liyirqa uk marcata ĉhuray”.

• JW Library^® aplicacionta descargar yaykuy Bibliata uyakunaykipaq, liyinaykipaq ima.

• Bibliata allita intrakanaykipaq, chay Biblia La Biblia. Traducción del Nuevo Mundo shutiqpi “Apéndice” niqta maskay.

5. Manaraq Bibliamanta yaĉhachishuq riyatinllapa kay libropi allita preparakay

Liyiyllapa Salmo 119:34, chaymantaqa kaykunamanta parlayllapa:

• Manaraq Bibliata liyiyar manaqa estudiayar, ¿imapaqtaq Diosta mañakunkiman?

Bibliamanta yaĉhachishuq ritinllapa, ¿imatataq rurankiman allita intrakanaykipaq? Kaykunata ruray allita intrakanaykipaq:

1. Cada yaĉhakunata estudiarqa parrafokuna qallariypi kaqkunata liyiy.

2. Textokunata maskar liyiy, chaymanta chay textokunataqa comparay kay libropi yaĉhakuyashaykikunawan.

3. Preparakarqa tapukuykunapa respuestanta marcay yaĉhachishuqwan pulla parlanaykipaq.

¿Yaĉhayaraykichu?

Jehová Diospa testigonkunaqa achka Bibliakunawan yaĉhachikushanillapa, pero nuqakunapaqqa La Biblia. Traducción del Nuevo Mundo shutiq mas allin. Kay Bibliaqa Diosmanta allita intrachimanchik, chaypipis Diospa shutinta tarinchik (Internetpi jw.org: “¿Tienen los testigos de Jehová su propia Biblia?”) niqta liyiy.

KAYKUNATA YAĈHAKUSHANCHIK

Tiemponchikta urquypaq Bibliata liyinapaq, Diosta mañakuypaq allita intrakanapaq, chaynullapis allita preparakaypaq kay librowan Bibliata allita intrakanapaq.

¿Imataq ninkiman?

• ¿Imanutaq Bibliataqa liyinkiman vidaykipi yanapashunanpaq?

• Qamqa, ¿imurastaq Bibliaykitaqa liyinayanki?

• ¿Imapaqtaq allita preparakankiman manaraq yaĉhachishuq shamuyatinllapa?

MAS YAĈHAKUNAYKIPAQ

¿Imataq yanapashunqa Bibliaykita allita intrakanaykipaq? Kayta liyiy:

“Disfrute leyendo la Biblia” (La Atalaya, núm. 1 2017)

Yaĉhakuy kimsa imakunata Bibliata liyinaykipaq.

“¿Cómo puede ayudarme la Biblia? Primera parte: Busca tesoros en la Biblia” (Artículo de jw.org)

Imatataq rurankiman Bibliata liyiyta kusalata gustashunanpaq.

“¿Cómo puede ayudarme la Biblia? Segunda parte: Aprende a disfrutar la lectura de la Biblia” (Artículo de jw.org)

Rikay imataq ninllapa achka tiempotana Biblianta liyiqkunaqa nir.

Cómo estudiar la Biblia y sacarle provecho (2:06)