Notakuna

1. ¿Pitaq Atun Babilonia?

2. ¿Ima tiempotaq Mesiasqa rikarimunanpaq karan?

1. ¿Pitaq Atun Babilonia?

¿Imapaqtaq ninchik ‘Atun Babiloniaqa’ yanqa religionkuna yupay? (Apocalipsis 17:5). Rikayllapa imapaqtaq chaynu ninchik.

• Entero pachapi pay munashanta rurayan. Bibliaqa nimanchik payqa tayan ‘achka runakunapa’, ‘achka pueblokunapa’ ima ananpi, chaynulla ‘mandakuqninkunamapis tukuyla mandakuqkunata munashannulla mandar […] purichinllapa’ (Apocalipsis 17:15, 18).

• Mana uk gobiernochu, mana uk rantikuqchu ima. Biblia nishannu, ʻpachamanta mandakuqkunaʼ, ‘pueblopi rantikuqkuna’ ima, kanqallaparaq Atun Babilonia tukukatinqa (Apocalipsis 18:9, 15).

• Diosta mana respetanchu. Payqa gobiernokunata yanapan, gobiernokuna pagratin, yanapatin ima, chayrayku payqa shutin “warmi ukwan ukwan punuq” (Apocalipsis 17:1, 2). Achka runakunata engañayan, wanuchiyan ima (Apocalipsis 18:23, 24).

Tikrakay yaĉhakuna 13, punto 6-man

2. ¿Ima tiempotaq Mesiasqa rikarimunanpaq karan?

Bibliaqa niyaran 69 semanakuna pasanqa Mesías ĉhamunanpaqqa nir (liyiy Daniel 9:25).

• ¿Maydiataq 69 semanakunaqa qallariran? 455 añopi manaraq Jesús ĉhamuyatin. Chay año mandakuq Nehemiasqa Jerusalenman ĉharan “kamakachinanllapapaq, rurananllapapaq” ima chay pueblota (Daniel 9:25, NWT; Nehemías 2:1, 5-8).

• ¿Michkatataq tardaran 69 semanakunaqa? Imanupiqa Bibliapiqa uk diaqa uk año yupay (Números 14:34; Ezequiel 4:6). Chayqa, uk semanaqa 7 añokuna. Chayrayku, 69 semanakunaqa 483 añokuna (69-taqa multiplicanchik por 7).

• ¿Maydiataq 69 semanakunaqa tukukaran? 455 (manaraq Jesús ĉhamuyashan) añomanta-pacha 483 añokunata cuentashaqa año 29-man (Jesús ĉhamushana kashanman) ĉhachimanchik.a Chay añopi Jesusqa bautizakar Mesiaspaq tikrakaran (Lucas 3:1, 2, 21, 22).

Tikrakay yaĉhakuna 15, punto 5-man