YAĈAKUNA 02
Bibliaqami manana llakirnachu kawsashun nir yaĉachimanchik
Entero pachapimi, runakunaqa achka problemayjun kashanrayku, qischakar, llakir, kwashalla kar ima kawsayanllapa. ¿Qampis chaynuchu kawsayanki? Qischakayanki kanqa qishaq kashaykirayku manaqa aylluyki wanushanrayku, chaymi niyanki kanqa, ¿tukuy tiempo kaynu kawsar siguishaqchu? nir. Bibliaqa allita intrachimanchik manana qischakashunllapanachu ashwan tukuy tiempopaq kusala shumaqta kawsashunllapa nir.
1. ¿Imatataq Diosqa Bibliapi arnimanchik?
Bibliaqa intrachimanchik imapaqtaq kay pachapiqa kusala achka problemakuna kan nir. Chaynullapis nimanchik kay problemakunaqa uk día manana kanqanachu nir. Ajari, Diosqa Bibliapi tukuyta arnimashanchik shamuq tiempopiqa “kusala shumaqta kawsankillapa” nir (leey Jeremías 29:11, 12). Bibliapi yaĉakushanchikqa yanapamashun ama masiaw kwashalla kanapaq problemayjun karmapis. Chaynullapis yanapamashun tukuy tiempo kusala alegre kawsanallapapaq.
2. ¿Imatataq Bibliaqa nimanchik shamuq tiempopaqqa?
Bibliaqa nimanchik shamuq tiempopiqa, “mayqanpis waqaqkunaqa mana waqanqallapanachu. Chaynulla manami llakinqallapa, wanunqallapa, nanachikunqallapalamapischu” nir (leey Apocalipsis 21:4). Problemakuna mana kashanrayku manana qischakashunllapanachu, manana ayllunchikkuna mallaqpaq qischakanqanachu, mana mayqanpis qischamashunnachu, mana qishashunnachu, chaynullapis mana wanushunllapalamapischu ima. Bibliapis nimanchik tukuy runakunaqa manana wanurnachu tukuy tiempopaq kawsanqallapa kay pacha kusala shumaqpaq tikrakatin nir.
3. ¿Imataq yanapashunqa Biblia nishanpi allita confiakanaykipaq?
Achka runakunaqa problemakuna tukukananta munayanllapa, pero yarpunllapa, kay problemakunaqa chiqaptachu tukukanqa manaqachu mana nir. Biblia nishan-shuypaqa chiqapta cumplikanqa. Biblia nishanpi allita confiakayta puytinapaqqa, waran waran kusata leeypaq chiqapchu kanqa chay yaĉachikuyashanllapaqa nir yaĉanapaq (Hechos 17:11). Chaynu qamlla cuentata qukanki Dios Bibliapi arnimashanchikqa chiqapta cumplikanqa nir.
MAS INTRAKANAPAQ
Yaĉakushun ima bendicionkunatataq Diosqa Bibliapi arnimashanchik shumaq kawsanapaq. Yaĉakushunllapapis imanutaq wakin runakunaqa chay bendicionkunapi yarpur alegre kawsayanllapa nir.
4. Bibliaqa arnimanchik tukuy tiempo kusala shumaqta kawsashunllapa nir
Rikay kusala achka bendicionkunata Dios Bibliapiqa arnimashanchikta.
Leeyllapa tukuy textokuna mas uralawpi kaqta, chaymantaqa kaykunamanta parlayllapa:
¿Imaninkitaq? ¿Animachishunchu chay Bibliapa textonkunaqa? Aylluykikunatapis, amigoykikunatapis, ¿chay textokunaqa yanapayta puytiyanqachu?
Mushuq pachapiqa kaynu kawsashunllapa:
MANANA |
TUKUY RUNAKUNA |
|---|---|
|
|
|
|
|
|
|
|
|
|
5. Dios Bibliapi arnimashanchikqa kanan tiempo shumaq kawsanapaq yanapamanchik
Achka runakuna manana imapipis creenllapanachu. Wakinkunaqa kusa piñakushala kawsanllapa achka problemakunata rikashanrayku. Chaymi ayka runakunaqa problemakunata kamakachiyta kamayanllapa. Yaĉakuy imanutaq kay tiempopiqa, Dios Bibliapi arnimashanchikqa achka runakunata yanapayan nir. VIDEOTA rikayllapa, chaymantaqa kaykunamanta parlayllapa:
Videota rikashanchiknu, Rafika shutiq warmisitataqa, ¿imataq mana gustaqchu?
Saqra imakunata rikayashankuna mana tukukatinmapis, ¿imanutaq Bibliaqa Rafikata yanaparan?
Biblia arnimashanchikqa yanapamayninchikta puytin ama masiawta yarpupakur ashwan problemakuna katinmapis mana desanimakarchu alegrila kawsanapaq. Leeyllapa Proverbios 17:22; Romanos 12:12 ima, chaymantaqa kaykunamanta parlayllapa:
Bibliapi bendicionkunata tarishaykiqa, ¿yanapashuyta puytiyanqachu kay tiempopi alegre kawsanaykipaq? ¿Imaraykutaq?
WAKINKUNAQA KAYNU YARPUNLLAPA: “Biblia nishanqa imash cumplikanqa ninllapa”.
Tukuy Biblia niyashan cumplikayatinqa, ¿imaraykutaq Bibliamantaqa yaĉakuypaq?
¿IMATATAQ YAĈAKURANCHIK?
Dios Bibliapi arnimanchik kusa alegrila kawsashunllapa nir, chaymi problemakuna katinmapis shachinakur alegre kawsayta puytishunllapa.
Yarpushun
¿Imapaqtaq runakunaqa animachinanllapata ministinllapa?
¿Imatataq Bibliaqa nimanchik shamuq tiempopaqqa?
Shamuq tiempopi shumaq kawsashunllapa nir yaĉayqa, ¿imanutaq yanapashun?
MAS YAĈAKUNAYKIPAQ
Yaĉakuy imanutaq Dios Bibliapi bendicionkunata arnimashanchikqa yanapashuyta puytin nir.
“Esperanza: ¿dónde hallarla?” (¡Despertad!, 22 de abril de 2004)
Rikay imanutaq Bibliaqa qishaqkunata animachir yanapasha ama masiawta llakir kawsananllapapaq.
“¿Puede la Biblia ayudarnos a sobrellevar una enfermedad?” (Artículo de jw.org)
Kay videota rikarqa, yarpuy aylluykiwan pulla mushuq pachapi kusala shumaqta kawsaq yupayna.
Leey imanutaq Bibliaqa yanaparan uk runata Diospa Gobiernonpi confiakananpaq.
“Ya no siento la necesidad de cambiar el mundo” (La Atalaya, 1 de julio de 2013)