¿Imanutaq Dios kawsanata munayan?

Bibliaqa nin runakunaqa “mana achka tiempota kawsayta puytinchu, achka problemayjun ima” nir (Job 14:1, NWT). Pero, ¿Diosqa chaynu kawsanata munayanchu? Chaynu katinqa, ¿imanutaq Diosqa kawsanata munayan? ¿Maydiaqa allinta kawsayta puytishunchu? Rikashun, ¿imatataq Bibliaqa yaĉhachimanchik nir?

1. ¿Imanutaq Diosqa kawsanata munayan?

Jehová Diosqa kusala alegre kawsanata munayan. Pay naypaq runakunata Adanwan Evata rurarqa, uk kusala shumaq lugarpi ĉhuraran: uk jardín Edén shutiqpi. Paykunataqa “Diosqa bendecirqa kaynu niran: ‘Achkata wamrakuyllapa, achkayayllapa, pachata untachiyllapa, tukuy imakuna kaypi kaqkunata cuidayllapa ima’” nir. (Génesis 1:28, NWT). Jehová Diosqa munayaran paykunaqa wamrakunanllapata, pachataqa kusa shumaqpaq tikrananllapata, animalkunata cuidananllapata ima. Munayaranpis tukuy runakuna mana qishayniyjunchu, mana wanur imachu tukuy tiempo kawsananta.

Kay tiempopi mana chaynu kawsayta puytinchikchu,a pero unay tiempopi tukuy imakuna rimashantaqa mana qunqashachu, ashwan ruranqa (Isaías 46:10, 11). Payqa munayan tukuy runakuna payta kasuqkunaqa tukuy tiempo kawsananta kusala alegre (liyiy Apocalipsis 21:3, 4).

2. ¿Imanutaq alegre kawsayta puytinchik kananmanta-pacha?

Jehová Diosqa ruramaranchik payta maskayta munanapaq, chayrayku paytaqa mas riqsinayanchik, adoranayanchik ima (liyiy Mateo 5:3-6). Diosqa munayan paypa amigon kanaykita, paypa “nanninkunapi” purinaykita, munanaykita, tukuy shunquykiwan sirvinaykita ima (Deuteronomio 10:12, NWT; Salmo 25:14). Tukuy kaykunata rurarqa, achka problemayjun karmapis kusala alegre kayta puytinki. Chayqa, Jehová Diosta adorarqa tukuy tiempo kusala alegre kawsayta puytishun.

3. Jehová Diosqa tukuy runakuna kusala alegre kawsananllapata munayan

VIDEOTA rikayllapa, chaymantaqa kaykunamanta parlayllapa:

VIDEO: ¿Imapaqtaq Diosqa pachata ruraran? (uk partela) (1:41)

• ¿Imapaqtaq Diosqa kay kusala shumaq pachanchiktaqa ruraran?

Liyiyllapa Eclesiastés 3:11, chaymantaqa kaykunamanta parlayllapa:

• ¿Imatataq kayqa Jehová Diosmanta yaĉhachimayanchik?

4. Jehová Diosqa unay tiempo rimashantaqa mana qunqashachu

Liyiyllapa Salmo 37:11, 29; Isaías 55:11 ima, chaymantaqa kaykunamanta parlayllapa:

• ¿Imanutaq yaĉhanchik Jehová Diosqa unay tiempo rimashantaqa mana qunqashachu nir?

5. Jehová Diosta adorarqa kusala alegre kawsayta puytishun

VIDEO: Comprendí el propósito de la vida (5:03)

• ¿Imanutaq Terumi shutiq warmisitataqa yanaparan imapaqtaq Diosqa ruramashanchik nir allita intrakayqa?

Liyiyllapa Eclesiastés 12:13; chaymantaqa kaykunamanta parlayllapa:

• Jehová Diosqa kusala achka imakunata tukuy nuqanchikkunapaq rurasha, chaymi ¿imatataq rurachuwan “yusul payji” ninapaq?

KAYKUNATA YAĈHAKUSHANCHIK

Taytanchik Jehová Diosqa kusala alegre tukuy tiempo kay pachapi kawsanata munayan. Chaynullapis, Jehová Diosta tukuy shunqunchikwan adorarqa kusala alegre kawsayta puytishun.

¿Imataq ninkiman?

• Jehová Dios Adanwan Evata rurarqa, ¿imanutaq kawsananllapata munayaran?

• ¿Imanutaq yaĉhanchik Jehová Diosqa unay tiempo rimashantaqa mana qunqashachu nir?

• ¿Imataq yanapashunqa alegre kawsayta puytinaykipaq?

MAS YAĈHAKUNAYKIPAQ

Biblia nishannu, ¿jardín Edenqa karanchu? Kaypi liyiy.

“El jardín de Edén, ¿una simple leyenda?” (La Atalaya, 1 de enero de 2011)

Liyiy imapaqtaq seguro kanchikllapa kay pachanchikqa mana tukukanqachu nir.

“¿Será destruida la Tierra?” (Artículo de jw.org)

Bibliawan yaĉhakuy imapaqtaq kaypi kanchikllapa nir. Kaypi liyiy.

“¿Cuál es el sentido de la vida?” (Artículo de jw.org)

Rikakuy imataq uk runitutaqa faltayaran kusala alegre kananpaq nir.

Ahora mi vida tiene sentido (3:55)