¿Pitaq Diosqa?

Unaymanta-pacha achka runakunaqa yanqa dioskunata adoraqllapa, pero Biblia-shuypaqa nimanchik uklayla Dios kan nir, payqa “yanqa dioskunamantaqa mas poderniyjun-ari” (2 Crónicas 2:5, NWT). ¿Pitaq payqa? ¿Imapaqtaq ninchikllapa payqa mas poderniyjun yanqa dioskunamantaqa nir? Kaypi allita riqsishunllapa chay uklayla Diosninchiktaqa.

1. ¿Imataq Diosqa shutin? ¿Payqa shutinta yaĉhanata munayanqachu?

Bibliapi Diosqa imataq shutin nir willamanchik, paylla nin: “Nuqaqa Jehová Diosmi kani. Chaymi shutiyqa” nir (liyiy Isaías 42:5, 8, NWT). ¿Imatataq Diosqa shutinwan intrachimanayanchik? Intrachimanayanchik: “Tukuy ima pay ruranayashanta ruran” nir. Jehová Diosqa shutinta yaĉhanata munayan (Éxodo 3:15, NWT). Chaymi, mas de 7.000 kutitaa Diosqa shutintaqa Bibliapi dejasha. Diosqami Jehová shutin “unaq cielopi, kay pachapi ima” (Deuteronomio 4:39, NWT).

2. ¿Imatataq Bibliaqa Jehová Diosmanta nimanchik?

Bibliaqa nin tukuy yanqa dioskunata runakuna adorayashanllapamantaqa Jehová Diosninchikla chiqap manaqa ciertota kawsaq Diosqa nir. ¿Imaraykutaq chaynu ninchik? Bibliaqa Diosmanta nin: “¡Chaynumi tukuy pachapiqa unaq cielomanta mandakuqqa qamla kanki nir yaĉhanqallapa!” nir (liyiy Salmo 83:18). Paymi “tukuy imata puytiqqa”, chaymi tukuy ruranayashanta ruraran. Jehová Diosqa ‘tukuy imata’ ruraran cielopi kaqkunata, pachapi kaqkunatapis ima (Apocalipsis 4:8, 11). Jehová Diosqa tukuy tiempo kawsasha, tukuy tiempo kawsanqa ima (Salmo 90:2).

3. Diosqami uk shutiyjunla

Runakunata profesor, doctor, abogado manaqa tayta nir riqsinchikllapa, pero chayqa mana shutinchu paykunapaqa, ¿manchu? Chaynu Diospis uk shutiyjunla, VIDEOTA rikayllapa, chaymantaqa kaykunamanta parlayllapa:

VIDEO: Diosninchikqa uk shutiyjunla (0:41)

• Videopi rikashanchiknu, qusa, tayta manaqa profesor, ¿chaykuna runapa shutinchu kanqa?

Bibliaqa nimanchik runakunaqa achka dioskunata, señorkunata ima adorayanllapa nir. Liyiyllapa Salmo 136:1-3, chaymantaqa kaykunamanta parlayllapa:

• Tukuy yanqa dioskunamantaqa, ¿pitaq uklayla chiqap manaqa ciertota kawsaq Diosqa?

4. Jehová Diosqa shutinta yaĉhanaykita, shutinmanta rimanaykita ima munayan

VIDEO: ¿Diosqa shutiyjunchu? (uk partela) (3:11)

• ¿Imataq ninkiman? ¿Imapaqtaq Diosqa shutinta yaĉhanata munayan?

Jehová Diosqa tukuy runakuna shutinpi mañakunanta munayan. Liyiyllapa Romanos 10:13, chaymantaqa kaykunamanta parlayllapa:

• ¿Imapaqtaq Diostaqa shutinpi mañakunkiman?

• ¿Imanutaq qamqa sintinkiman wakinkunaqa shutikipi qayashutin?

• ¿Imanutaq Diosqa sintiyanqa shutinta wakinkunata yaĉhachitkiqa?

5. Jehová Diosqa munayan paypa amigon kanaykita

VIDEO: Mi búsqueda del Dios verdadero (8:18)

• Videopi rikashanchiknu; Diospa shutinmanta yaĉhakuyqa, ¿imanutaq Sotenta yanaparan?

Wakinkunapa amigon kanapaqqa naypaqtaqa shutinta yaĉhaypaq. Liyiyllapa Santiago 4:8​a, chaymantaqa kaykunamanta parlayllapa:

• ¿Imatataq Diosqa ruranaykita munayan?

• Diospa shutinta allita yaĉhayqa, ¿yanapashunqachu payman qimikayta puytinaykipaq? ¿Imaraykutaq?

KAYKUNATA YAĈHAKUSHANCHIK

Diosqa shutin Jehová, payqa uklayla. Shutinta yaĉhanata, shutinpi mañakunata ima munayan, paypis paypa amigon kanata munayan.

¿Imataq ninkiman?

• Runakunaqa achka yanqa dioskunata adorayanllapa pero, ¿imaraykutaq Jehová Diosninchiklata adoraypaqllapa?

• ¿Imapaqtaq Diostaqa shutinpi mañakuypaqllapa?

• ¿Jehová Diosqa amigo kanaykita munayanchu? ¿Imanutaq yaĉhanki?

MAS YAĈHAKUNAYKIPAQ

Cinco imakunata liyiy Diosqa kan nir cuentata qukanaykipaq.

“¿De veras existe Dios?” (Artículo de jw.org)

Yaĉhakuy imapaqtaq creyiypaq Diosqa tukuy tiempo kasha, tukuy tiempo kawsanqa ima nir.

“¿Quién hizo a Dios?” (La Atalaya, 1 de agosto de 2014)

Mana unay imanutaq riqsiqllapa nir yaĉhayarmapis, yaĉhakuy imapaqtaq Diospa shutinta rimayqa kusa allin nir.

“¿Quién es Jehová?” (Artículo de jw.org)

¿Diostaqa shutinpichu riqsiypaq? Imapaqtaq ninchikllapa Diosqa uklayla shutiyjun nir.

“¿Cuántos nombres tiene Dios?” (Artículo de jw.org)