Jardín de Edenbi causaiga ¿imashinadi garca?

Taita Dios Adán y Evadaga ashcadami bendiciarca (Génesis 1:28).

Jehovami punta huarmi Evada rrurrarca. Jipaga, Adanbu huarmi tucullunmi curca (Génesis 2:21, 22).

Taita Dios Adán y Evada jucha illajgunadami rrurrarca. Paigunabu cuerpoguna y pensamientogunash sin pecado, allimi garca.

Paigunaga juilahua jardín de Edenbi causarcaguna. Chaibiga shuj yacu pasajurca, yuraguna, animalgunashmi tiyarca. Shuj paraisomi garca.

Taita Diosmi paigunaun parrlash yachachij garca. Chai paraisobi para siempre causasha nishaga, Taita Diosda uyana y cazunami garca.

Taita Diosga shujlla yuramundami ama micunguichillu nirca (Génesis 2:16, 17).

Taita Diosga Adán y Evadaga jardín de Edén chaupibi tiyaj yuramundaga ama micunguichillu nircami. Chai yuramunda micushaga, huañunami garca.

Shuj angelmi Diosbu enemigo tucurca. Paiga Diablomi gan.

Diabloga Adán y Eva Jehová Diosda cazullunga na munarcallu. Chaimundami, shuj culebrada parrlachish Evadaga, chai prohibishca yuramunda micushaga na huañushmi Dios shina tucui pudingui nirca. Chaiga, jatun llullami garca (Génesis 3:1-5).