LECCIÓN 2

Tranquilo parrlai

2 Corintios 2:17

RESUMEN: Shungumunda tranquilo parrlashmi, yachachijushca tema verdad gashcada y gentegunamunda preocuparishcada rricuchingui.

Jehová Diosda mañash alli preparari. Ama manchash alli yachachingabuga Jehová Diosda ayudallun mañai. Shinalladi imada yachachigrishcadami alli intindina gangui. Ima escribishcada charishaga na liyinallu gangui. Sino canbu propio shimiunmi yachachina gangui.

Bibliada o cutishuj publicacionda liyina gashaga; clarito liyingabumi alli repasana gangui. Shuj experienciamunda liyijushaga; na exagerash shungumundami liyina gangui.
Shungumunda parrlai. Genteguna Taita Diosbu palabrada imamunda uyana gashcadaga canlladimi alli intindina gangui. Chaimunda, alli shayarish, maquigunada cuyuchish y cushi ñahuiun parrlajpiga gentegunaga uyanadami munanga.

Tranquilo parrlanaga, na yuyash parrlana gashcadaga na nisha ninllu. Taita Diosmunda parrlajushcamundami paida ama malbi saquichingabuga, alli pronunciash parrlana gangui.
Ñahuida rricush parrlai. Can causashca ladobi gentegunabu ñahuida rricush parrlana na malo gajpiga, ñahuida rricushmi parrlana gangui. Shuj discursoda cushaga, na shuj solo ladodallu rricuna gangui, chaibu rrandiga caishuj chaishujdami rricui pudingui.