LECCIÓN 12

Juyashcada y preocuparishcada rricuchi

1 Tesalonicenses 2:7, 8

RESUMEN: Yachachijushaga gentegunamunda preocuparishcadami rricuchina gangui.

Gentegunabi yuyai. Yachachingabu prepararijushaga, genteguna charishca problemagunada rricush paiguna imashina sintirishcabi yuyai.
Alli yuyashmi parrlana gangui. Canda uyajguna animarillun y shinchi feda charillun ayudai. Llaquichij shimigunadaga na ninallu gangui. Jehová Diosda na sirvij gentegunamunda imadash yangamunda na parrlanallu gangui.
Preocuparishcada rricuchi. Mishqui shimiun na tanto cuyurishmi alli parrlana gangui. Yachachijushaga cushilla ñahuiunmi alli parrlana gangui. Contento gashcada rricuchingabumi asina gangui.

Parrlajushaga na exageranallu gangui, imadash shungumundami parrlana gangui. Liyijushcada uyanada munallunga, allimi liyina gangui. Mishqui shimiun parrlajushcada rricuchingabuga, “rricui”, “shamui” ninabu rrandiga “ba” letragunada mirachish “rricubai” o “shamubai” nish respetoun parrlana gangui.