¿Imashinadi Bibliadaga alli liyi pudingui?

Shuj shinchi trabajoda charishaga, ¿imashinadi caidaga rrurrasha nish tapurishcanguillu? Ama shinchi rricurillunga, asha ashami rrurrai pudingui. Bibliada liyingabuga, shinalladimi rrurrana gangui. Tal vez tapurishcanguillari: “¿Maimundadi callarisha?” nish. Cai leccionbimi Bibliada alli liyingabu, y estudiangabu huaquin consejogunada rricushun.

1. ¿Imamundadi Bibliada cada funcha liyinaga importante gan?

Cada funcha, Bibliada o Jehová Diosbu leygunada liyishmi, feliz y alli causangui (Salmo 1:1-3-da liyi). Callaringabuga cada funcha huaquin minutogunallada liyi. Diosbu palabrada rrijsishaga ashtaunmi liyinada munangui.

2. ¿Bibliada liyishcamunda beneficiaringabuga imadadi rrurrana ganchi?

Bibliada liyish alli aprovechangabuga, imada liyijushcada alli intindingabuga tiempodami surcuna ganchi. Cai librodaga na solamente liyinallu ganchi, liyishcabishmi yuyana ganchi (Josué 1:8). Liyijushaga cai tapuigunada rrurrai: “¿Cai versiculogunaga Jehová Diosmundaga imadadi yachachin? ¿Ñucabu causaibiga imashinadi fajtachi pudishari? ¿Cutishujgunada ayudangabuga imashinadi utilizasha?”.

3. ¿Bibliada liyingabuga imashinadi tiempoda llujchi pudingui?

Bibliada liyingabu tiempoda surcunaga, shinchillari rricuringa. Pero Bibliada liyingabu, tiempoda alli aprovechangabumi esforzarina ganchi (Efesios 5:16). Bibliada liyingabuga shuj horariodami charina ganchi. Huaquingunaga madrugadomi liyinajun. Cutishujgunaga, tarde, micushca jipami, o tutabi narij puñushmi Bibliada liyinajun. ¿Canbuga ima horasdi alli ganga?

CAI TEMAMUNDA MÁS YACHASHUNCHI

4. Bibliada liyishmi ashtaun contento sintiringui

Tal vez Bibliada liyi callarinaga na jahuallallu ganga. Por ejemplo, narij micushca micunadaga micush catishmi ashtaun mishquichingui, chai shinalladimi “Bibliada liyinadash mascash catingui”. 1 Pedro 2:2-da liyish, chaimunda parrlaichi:

• ¿Bibliada cada funcha liyishaga, ashtaun liyish catina munaida charina gashcadallu cringui?

Huaquin jovengunaga Bibliada liyinadami munanajushca, chaimunda yachangabuga cai VIDEODA rricui. Jipaga caimunda parrlaichi:

VIDEO: Jovengunami Diosbu shimida juyai callarinajushca (5:33)

• ¿Cai videobi rricushca jovengunaga, ima problemagunadadi chimbapurarca?

• ¿Bibliada liyish catillunga imadi ayudarca?

• ¿Bibliada liyinada ashtaun munangabuga, imadadi rrurranajurca?

Bibliada liyi callaringabu caida rrurrai:

• Canbu shimibi intindirinalla gaj Bibliada mascai. Canbu idiomabi tiyajpiga Traducción del Nuevo Mundo nishca Bibliada utilizai.

• Ashtaun munashca historiagunada liyish callari. “Bibliada liyi callaringabu huaquin yuyaiguna” nishca programabimi huaquin ayudagunada taringui.

• Imada liyijushcada anotai. Cai publicacionbiga “Ñuca Bibliada liyina programa” nishcada utilizai.

• JW Library^® nishca aplicacionda utilizai. Cai aplicacionda canbu celularbi o cutishuj dispositivobi descargashaga maibi gajushash Bibliada uyai o liyi pudingui.

• Shinalladi, secciones adicionales nishcada Traducción del Nuevo Mundo Bibliabi utilizai. Chaibimi mapaguna, tablas y shuj glosarioda rricush Bibliada liyinada ashtaun munangui.

5. Bibliada estudiangabu alli preparari

Salmo 119:34-da liyish, chaimunda parrlaichi:

• ¿Bibliada narij liyish, narij estudiai callarishti Diosda mañanaga imamundadi importante gan?

¿Cai libroda estudiajushaga, imashinadi beneficiari pudingui? Cada lecciongunada estudiajushaga, caigunada rrurrash cati:

1. Cada leccionbu punta parrafogunada liyi.

2. Bibliabu textogunada liyishaga, cai temamunda imada yachachijushcada rricui.

3. Tapuigunabu respuestagunada señalai. Shina rrurranami jipamun canbu yachachiun alli estudiallun ayudanga.

¿Yacharcanguillu?

Testigo de Jehovagunaga huaquin Bibliagunadami utilizashcanchi, pero Traducción del Nuevo Mundo Bibliadami ashtaun munanchi, porque chaibimi clarito intindichin, shinalladi Diosbu shutishmi rricurin (Jw.org paginabi: “¿Tienen los testigos de Jehová su propia Biblia?” nishca articuloda rricui).

RESUMEN

Bibliada liyish beneficiaringabuga shuj horarioda churai, liyishcada alli intindingabuga Diosda mañai. Shinalladi Bibliada estudiangabu alli preparari.

Repaso

• ¿Bibliada liyish beneficiaringabuga imadadi rrurrana ganchi?

• ¿Ima horasdi canlladi Bibliada liyish estudiai pudingui?

• ¿Imamundadi Bibliada estudiangabu prepararina gangui?

ASHTAUN YACHAI

Bibliada liyish ashtaun yachangabu huaquin yuyaigunada rricui.

“Disfrute leyendo la Biblia” (La Atalaya, núm. 1 2017)

Bibliada liyingabu quimsa yuyaigunada rricui.

“¿Cómo puede ayudarme la Biblia? Primera parte: Busca tesoros en la Biblia” (Artículo de jw.org)

Bibliada liyish imashina contento sintirinada rricui.

“¿Cómo puede ayudarme la Biblia? Segunda parte: Aprende a disfrutar la lectura de la Biblia” (Artículo de jw.org)

Ashca tiempoda Bibliada liyij genteguna, ima consejogunada cushcada rricui.

Cómo estudiar la Biblia y sacarle provecho (2:06)