¿Dios ñucunchi adoracionda chasquillunga imadadi rrurrana ganchi?

Lección 13-bi rricushca shinaga na tucui religiongunadallu Taita Diosga chasquin. Pero ñucunchida rrurraj contento sintirillunga, pai munashca shinami adorai pudinchi. ¿Paiga “imashina adorallun munan” o “majin religiondadi” chasquin? (Santiago 1:27; nota). Biblia ima yachachishcada rricushunchi.

1. ¿Diosda imashina adoranadaga maibidi yachachin?

Taita Diosda imashina adoranadaga Bibliabimi yachachin. Jesusga Taita Diosmunda cashnami nirca: “Canbu palabraga verdadmi gan” (Juan 17:17). Huaquin religiongunaga Taita Diosbu palabra, Biblia; ima yachachishcadaga na cazunajunllu, chaibu rrandiga genteguna yachachishcada y costumbregunadami catinajun. Pero Jehová Diosga paibu mandashcagunada ladomun saquillunga na munanllu (Marcos 7:9-da liyi). Bibliabu consejogunada cazush chaida fajtachingabu esforzarishaga Jehová Diosdami contento sintichishun.

2. ¿Jehová Diosdaga imashinadi adorana ganchi?

Jehová Dios ñucunchida rrurrashcamundami paillada adorana ganchi (Apocalipsis 4:11). Chaimundami paillada juyana y adorana ganchi, santogunadaga na adoranallu ganchi (Isaías 42:8-da liyi).

Ñucunchi adoracionda Dios chasquillunga “jucha illajmi gana gan” (Romanos 12:1). Chaimundami pai mandashcagunada cazush causana ganchi. Por ejemplo, Jehová Diosda juyashcamundami cazarashcagunaga pai mandashca shina causangabu esforzarin. Shinalladi limpio causangabuga droga y tabacoda na chupanajunllu y tragodash na ubianajunllu.a

3. ¿Imamundadi Jehová Diosdaga paida cazuj gentegunaun adorana ganchi?

Ñucunchi tandanajuigunabiga “Jehová Diosda [...] allida rrurrajgunaun tandanajushmi” alabashun (Salmo 111:1, 2). Chai tandanajuigunabimi cantogunada cantash Jehová Diosda alabanchi (Salmo 104:33-da liyi). Jehová Diosga ñucunchigunada juyashcamunda y para siempre causallun munashcamundami chai tandanajuigunamun rrillun mañan. Tandanajuibiga rrandi rrandi animarishmi contento sintirinchi.

CAI TEMAMUNDA MÁS YACHASHUNCHI

4. Ñucunchi adoracionbi santogunada utilizanaga na allillu gan

VIDEO: ¿Taita Diosga paida adorangagu santogunada charillunllu munun? (3:26)

• ¿Ñaupa tiempobi israelitaguna Jehová Diosda adorangabu oroun rrurrashca billida utilizajpiga imadi pasarca?

Huaquin gentegunaga Diosbu mayabi sintiringabuga santogunadami utilizan. Pero ¿caida rrurrashaga nallu Jehová Diosmunda ashtaun caruyajun? Éxodo 20:4-6 y Salmo 106:35, 36-da liyish, chaimunda parrlaichi:

• ¿Gentegunaga Diosda adoranchi nishaga ima layadi imagengunada, santogunada utilizan?

• ¿Santogunada o imagengunada adoranamundaga Jehová Diosga imadadi yuyan?

• ¿Canga santogunada o imagengunada adoranamundaga imadadi yuyangui?

5. Jehová Diosllada adorashaga, panta yachachishcagunamunda libresmi saquirishun

VIDEO: Verdadta yachashcamundami libres ganchi (5:16)

Salmo 91:14-da liyish, chaimunda parrlaichi:

• Jehová Diosllada juyashcada y paillada adorashcada rricuchijpiga, paiga ñucunchigunamundaga ¿imadadi rrurrasha nin?

6. Congregacionbu tandanajuigunabimi Jehová Diosdaga adoranchi

Tandanajuigunabiga cantogunada cantash, comentariogunada cushmi Jehová Diosda alabanchi, shinami caishuj chaishuj animarinchi. Salmo 22:22-da liyish, chaimunda parrlaichi:

• ¿Tandanajuibi cushca comentariogunadaga munanguillu?

• ¿Tandanajuibi shuj comentarioda cungabu preparanada munanguillu?

7. Jehová Diosga ñucunchi yachashcagunada cutishujgunamun parrlallunmi munan

Biblia imada yachachijtaga cutishujgunamun compartinallami ganchi. Salmo 9:1 y 34:1-da liyish, chaimunda parrlaichi:

• Bibliamunda tucui yachashcagunamundaga ¿imadadi cutishujgunamunga parrlanada munangui?

RESUMEN

Jehová Diosllada adorash, tandanajuigunamun rrish, shinalladi imada yachashcada cutishujgunamun compartishmi paidaga contentachishun.

Repaso

• ¿Diosda imashina adorallun munashcadaga maibidi yachachin?

• ¿Imamundadi solo Jehová Diosda adorana ganchi?

• ¿Imamundadi Jehová Diosdaga paida cazuj gentegunaunlla adorana ganchi?

ASHTAUN YACHAI

Santogunada esclava shina ama yapa adorash catingabu shuj huarmi imada rrurrashcada liyi.

“La Biblia les cambió la vida” (La Atalaya, 1 de julio de 2011)

Tandanajuigunabi imashina comentariogunada cungabuga huaquin ayudagunada rricui.

“Alabemos a Jehová en la congregación” (La Atalaya, enero de 2019)

Tandanajuigunamun rrina difícil gajpish imashina tandanajuigunamun rrinaga cai jovenda ayudashcada rricui.

Jehová se interesa por mí (3:07)

Ashca gentegunaga Jesusda catinchi nishmi cruzda utilizan, ¿pero ñucunchiga cruzda utilizanallu ganchi?

“¿Por qué no usan la cruz los testigos de Jehová?” (Artículo de jw.org)