LECCIÓN 26
¿Imamundadi ashca llaquiguna y malo rrurraiguna tiyan?
Ima atrasogunada charishaga, gentegunaga cashnami tapurinajun “¿Imamundadi sufrinchi?”. Biblia cai tapuimunda shuj respuestada cujta yachashaga tranquilosmi sintirinchi.
1. ¿Diablo cai allpabi malo cosasguna tiyallunga imadadi rrurrarca?
Diablo Satanasga, Taita Diosbu contrami tucurca. Pai mandasha nishcamundami, Adanda y Evada Taita Diosbu contra tucullun engañarca. Shina llullashmi Evada pantachirca (Génesis 3:1-5). Diabloga, “Jehová Dios na tucuida cungabu munanllu” nishmi, Adán y Evada crichirca. Pero chaiga na ciertollu gan, “genteguna Taita Diosda na cazushaga contentomi causanga” nijuj shinami garca. Satanás Evada “na huañunguillu” nishaga, punta llulladami nijurca. Chaimundami Bibliabi Diablodaga “llullami gan y llullabu taitami gan” nin (Juan 8:44).
2. ¿Adán y Evaga ima decisiondadi agllarca?
Jehová Dios Adán, Evaunga generosomi garca. Jardín de Edenbi tiyaj yuragunamundaga tucuida micunguichilla, solo “shujllamunda” ama micunguichi nirca (Génesis 2:15-17). Shinash, chai yuramundami micunajurca. Evaga “frutoda japishmi micui callarirca”. Jipami, Adanmun cujpi “paibish micui callarirca” (Génesis 3:6). Shinaga ishquindilladimi Jehová Diosdaga na cazunajurca. Adán y Eva perfectos gashcamundami, ima alli o na alli gashcadaga yacharca. Chaida alli yachashash Jehová Diosda na cazushcamundami shuj jatun juchabi urmanajurca, shinalladi Jehová Dios mandana derechoda na respetashcada rricuchinajurca. Paiguna na alli decisionda agllashcamundami ashca sufrimiento tiyai callarirca (Génesis 3:16-19).
3. ¿Adán y Eva na alli decisionda agllashcamundaga ima llaquigunadi tiyai callarirca?
Adán y Eva juchabi urmashaga imperfectosmi tucunajurca, paigunabu culpamundami tucuiguna juchayuj ganchi. Bibliabi Adanmunda parrlashaga cashnami nin: “Shuj solo jarimundami juchaga cai mundomun yaicumurca. Shinalladi, jucha tiyashcamunda huañuibish tiyan, chaimunda tucuiguna juchayuj gashcamunda huañunchi, porque tucuicanchami juchayuj ganchi” (Romanos 5:12).
Shinaga, ¿imamundadi sufrinchi? Huaquinbiga ñucunchilladi na alli decisionda japishcamunda o cutishujgunaga na alli decidishcamundami sufrinchi. Huaquinbiga na alli lugarbi gashcamunda o na yuyashca horasbimi sufrinchi (Eclesiastés 9:11-da liyi).
CAI TEMAMUNDA MÁS YACHASHUNCHI
Cai mundobi sufrimiento tiyashcamunda Taita Dios culpada na charishcada, shinalladi ñucunchiguna sufrijujta rricush imashina sintirishcadashmi yachashun.
4. ¿Ñucunchi sufrimientogunamundaga pidi culpada charin?
Ashca gentegunami Dios cai mundoda mandajushcada criin. ¿Pero chaiga ciertollu gan? VIDEODA rricui.
Santiago 1:13 y 1 Juan 5:19-da liyish, chaimunda parrlaichi:
¿Gentegunabu sufrimientogunamunda Diosllu culpada charin?
5. ¿Cai mundoda Satanás mandai callarishcamundaga imadi tucushca?
Génesis 3:1-6-da liyish, chaimunda parrlaichi:
¿Satanasga imadadi llullarca? (Versículos 4 y 5-da rricui).
¿Imada llullashti Satanasga “Jehová Dios genteguna na alli causallun munashcada” nirca?
Satanás nishca shinaga, ¿Jehová Dios mandajpillu gentegunaga contento causai pudinga?
Eclesiastés 8:9-da liyish, chaimunda parrlaichi:
Jehová Dios cai mundoda narij mandajushcamundaga, ¿ñucunchigunaga imashinadi causajunchi?
Adán y Evaga paraisobimi jucha illaj causanajurca, pero Satanasda cazushcamundami Diosun contrarinajurca.
Paiguna Jehová Diosun contrarishcamundami jucha, sufrimiento y huañui mundo enterobi tiyai callarirca.
Jehová Diosmi juchada, sufrimientoda y huañuida tucuchinga. Genteguna jucha illaj tucushmi paraíso allpabi para siempre causanajunga.
6. Jehová Dios ñucunchiguna sufrijujta rricushaga ashcadami llaquirin
¿Jehová Diosga gentegunamunda preocuparinllu? Rey David y apóstol Pedro imagunada escribishcada rricui. Salmo 31:7 y 1 Pedro 5:7-da liyish, chaimunda parrlaichi:
Ñucunchiguna sufrijujta rricush, Jehová Dios llaquilla sintirishcada yachashaga ¿imashinadi sintiringui?
7. Taita Diosmi gentegunabu tucui sufrimientoda tucuchinga
Isaías 65:17 y Apocalipsis 21:3, 4-da liyish, chaimunda parrlaichi:
Jehová Dios genteguna ama sufrillunmi tucui llaquigunada tucuchisha nin, chai promesada yachashaga ¿imashinadi sintiringui? ¿Imamunda?
¿Yacharcanguillu?
Satanasga llullagunada nishmi Jehová Diosda juchachirca. Chaida nishaga Jehová Diosbu shutidami mapayachirca, shinalladi Jehová malo gobernante gashcada ningabumi munarca. Pero ñallami Jehová Diosga gentegunabu sufrimientoda tucuchish, paibu shutida limpianga y jatunyachinga. Shinami, Diosga paibu gobiernolla alli gashcada rricuchinga. Jehová Diosbu shutida llullagunamunda limpianami importante gan (Mateo 6:9, 10).
HUAQUINGUNAGA NINMI: “Diosga cai mundobi sufrish causallunmi ñucunchida rrurrashca”.
¿Canga imadadi yuyangui?
RESUMEN
Cai mundobi tiyaj sufrimientogunamundaga Satanás, Adán y Evami culpada charin. Jehová Diosga ñucunchiguna sufrijujta rricushaga ashcadami llaquirin, chaimundami sufrimientogunadaga ñalla tucuchinga.
Repaso
¿Diabloga ima llulladadi Evamun nirca?
¿Adán y Eva Taita Diosda na cazushcamundaga imashinadi causanchi?
Jehová Dios ñucunchiguna sufrijujta rricushaga ¿imashinadi sintirin?
ASHTAUN YACHAI
Biblia juchamunda ima yachachishcada rricui.
Satanás jardín de Edenbi ima llullagunada nishcamunda ashtaun yachai.
“¿Por qué permite Dios el sufrimiento?” (La Atalaya, 1 de enero de 2014)
Llaquiguna tiyajpi Biblia imashina consueloda cujta rricui.
“¿Por qué sucedió el Holocausto judío? ¿Por qué Dios no lo impidió?” (Artículo de jw.org)
Ashca sufrimientoun causaj jari ima yachashcada rricui.