Bibliabiga Taita Diosbu Gobiernomundami ashtaun parrlan. Cai Gobiernoda utilizashmi, Jehová Diosga cai allpada puntabi rrurrashca shinami rrurranga. ¿Cai Gobiernoga imadi gan? ¿Cai allpada mandajushcadaga imashinadi yachanchi? ¿Cunungamaga imadadi rrurrashca? ¿Shamuj funchagunabiga imadadi rrurranga? Cai tapuigunabu respuestadaga cai y catij leccionbimi rricushun.

1. ¿Taita Diosbu Gobiernoga imadi gan, pidi chai Gobiernobiga mandajun?

Diosbu Gobiernodaga Jehovalladimi callarichirca. Cai Gobiernobiga Jesusmi jahua cielomunda mandajun (Mateo 4:17; Juan 18:36). Jesusmunda parrlash Bibliaga cashnami nin: “Paiga [...] para siempremi mandanga” (Lucas 1:32, 33). Jesús, Diosbu Gobiernobi Rey gashcamundami, tucui cai allpabi causaj gentegunada mandanga.

2. ¿Jesusunga pigunadi mandanga?

Jesusga na paillallu mandanga. “Tucui familiagunamunda, idiomagunamunda, pueblogunamunda y llactagunamunda [...] gentegunaunmi mandanga” (Apocalipsis 5:9, 10). ¿Mashnapuradi Jesucristounga mandanga? Jesús cai allpabi causai callarishcamundami ashca millón genteguna paida catinada decidish, cristianoguna tucushca. Pero solo 144.000 gentegunallami jahua cielobi Jesusun mandangabu rringa (Apocalipsis 14:1-4-da liyi). Cutishuj gentegunaga Dios cai allpada mandajujpimi para siempre contento causanajunga (Salmo 37:29).

3. ¿Imamundadi Taita Diosbu Gobiernoga gentegunabu gobiernogunamundash yalli gan?

Ashca gobiernoguna alli cosasgunada rrurrasha nishash, fajtachingabu poderdaga na charinllu. Jipamunga cutishuj presidentemi yaicun, tal vez chai presidente gentegunamundaga na preocuparinllu. Pero Diosbu Gobiernomunda mandaj Jesusdaga nipi na cambiangallu. “Taita Diosga nunca nipi na tucuchina gobiernoda churanga” ninmi (Daniel 2:44). Jesusga tucui laya gentegunadami por igual mandanga. Paiga juyaj, alli trataj, justomi gan, y gentegunadash pai shina gallunmi yachachinga (Isaías 11:9-da liyi).

4. Ashca poderta charij Diosbu Gobiernomi cai allpadaga mandanga

Jesusmi cai allpabi mandaj presidentegunamundash yalli poderta charin. Mateo 28:18-da liyish, chaimunda parrlaichi:

• ¿Imamundadi Jesusga cai allpabi mandaj presidentegunamundash más autoridadta charin?

Cai allpabi presidentegunaga shuj paisda mandangabumi autoridadta charin, shinalladi paigunabu mandana tiempoga tucurinmi. ¿Pero Taita Diosbu Gobiernounga shinalladillu tucunga? Daniel 7:14-da liyish, chaimunda parrlaichi:

• ¿Taita Diosbu Gobierno para siempre mandanaga imamundadi alli gan?

• ¿Cai Gobierno tucui allpada mandanaga imamundadi alli gan?

5. Gentegunabu gobiernogunaga tucuchishcami gana gan

¿Imamundadi Taita Diosbu Gobierno, gentegunabu gobiernogunabu rrandi mandallun ministinchi? Cai VIDEODA rricush caimunda parrlaichi:

VIDEO: ¿Diosbu Reinoga imadi gan? (Uchilla video) (1:41)

• ¿Cai allpabi gentegunabu gobiernoguna mandajushcamundaga ima llaquigunadadi charishcanchi?

Eclesiastés 8:9-da liyish, chaimunda parrlaichi:

• ¿Gentegunabu gobierno mandanabu rrandiga, Taita Diosbu Gobierno mandana alli gashcadallu yuyangui? ¿Imamunda?

6. Diosbu Gobiernobi mandajgunami ñucunchigunadaga alli intindin

Jesusga cai allpabi ñucunchi shinami causarca, chaimundami “ñucunchigunadaga alli intindin”, paiga ñucunchi shinalladimi tucui laya llaquigunada charirca (Hebreos 4:15). Jehová Diosga paida alli sirvij 144.000 jari y huarmigunadami Jesusun mandallun agllashca. Paigunaga “tucui familiagunamunda, idiomagunamunda, pueblogunamunda y llactagunamunda” agllashca gentegunami gan (Apocalipsis 5:9).

• Jesús y paiun mandagrijgunaga cai allpabimi causanajushca, chaimunda, ¿paiguna cai allpada mandagrijta yachashaga nallu contento sintiringui? ¿Imamunda?

7. Diosbu Gobiernobu leygunami gentegunabu leygunamundash ashtaun alli gan

Gobiernogunaga gentegunada ayudangabu y cuidangabu nishmi, leygunada rrurran. Diosbu Gobiernobish leygunadami charin, y tucui gentegunami fajtachina gan. 1 Corintios 6:9-11-da liyish, chaimunda parrlaichi:

• ¿Taita Diosbu mandashcagunada cai allpabi causaj genteguna respetajpiga, causaiga imashinashi ganga?a

• Taita Diosga paibu sirvijguna pai mandashcagunada cazullunmi munan. ¿Chaida cazunaga ima nishti alli ganga? ¿Imamundadi shina yuyangui?

• ¿Diosbu leygunada na cazuj genteguna imashinadi cambiai pudinga? (Versículo 11-da rricui).

RESUMEN

Jehová Diosbu Gobiernoga jahua cielomundami tucui cai allpada mandanga.

Repaso

• ¿Diosbu Gobiernobi mandajgunaga pigunadi gan?

• ¿Imamundadi Taita Diosbu Gobiernoga gentegunabu gobiernogunamundash yalli gan?

• ¿Jehová Dios paibu Gobiernobi causajgunaga imada rrurrallundi munan?

ASHTAUN YACHAI

Diosbu Gobierno maibi tiyana gashcamunda Jesús ima yachachishcada liyi.

“¿Es el Reino de Dios algo que se lleva en el corazón?” (Artículo de jw.org)

¿Testigo de Jehovagunaga imamundadi gentegunabu gobiernoda apoyanabu rrandiga Diosbu Gobiernoda apoyan?

Completamente a favor del Reino de Dios (1:44)

Jehová Dios 144.000 gentegunada Jesusun mandallun agllashcada rricui.

“¿Quiénes van al cielo?” (Artículo de jw.org)

¿Carcelbi gaj huarmida Taita Diosbu Gobiernolla llaquigunada tucuchinada crillun ima ayudashcada rricui?

“Aprendí cómo se solucionarán las injusticias” (¡Despertad!, noviembre de 2011)

1.914 huatabimi Diosbu Gobiernoga jahua cielobi mandai callarirca. Chai huatalladimi tucuri funchagunash callarirca, ¿imashinadi yachanchi? Cai leccionbiga Biblia ima nishcada, shinalladi huata 1.914-bi cai allpabi ima pasashcada, genteguna imashina comportarishcadashmi rricushun.

1. ¿Bibliaga ima pasanadadi huillarca?

Daniel librobiga Taita Diosbu Gobierno “siete tiempoguna” jipa mandai callarina gashcadami huillarca (Daniel 4:16, 17). Ashca huataguna jipaga, Jesusga chai tiempodami “cutishuj llactamunda gentegunabu señalashca tiempo” gashcada nirca, paiga cai tiempo narij fajtarishcadami yachachirca (Lucas 21:24). 1.914 huatabi cai siete tiempoguna tucurishcadami  rricugrinchi.

2. ¿Cai allpabiga 1.914 huatamundaga imadi tucushca, shinalladi gentegunaga imashinadi comportarishca?

Jesusbu discipulogunaga cashnami tapurca: “¿Ima señalta rricushti can shamuna tiempo chayamushcada yachashun? ¿Ima horashi cashna cosasgunaga pasanga?” (Mateo 24:3). Jehová Diosbu Gobiernobi Jesús rey shina mandai callarishca jipa, cai allpabi ima pasana gashcadami huillarca. Por ejemplo, guerraguna, yarijai y terremotoguna tiyana gashcadami nirca (Mateo 24:7-da liyi). Bibliaga “tucuri funchagunabiga” gentegunabu comportamiento “llaqui y shinchi” gana gashcadami nirca (2 Timoteo 3:1-5). Huata 1.914-mundami, cai cosasgunaga clarito fajtarijushca.

3. ¿Imamundadi Taita Diosbu gobierno mandai callarishcamunda cai allpabiga ashtaun llaquiguna tiyan?

Jesús Diosbu Gobiernobi rey tucushca jipami, jahua cielobiga Satanás y paibu demoniogunaun peleanajurca. Satanasga perrdircami, chaimundami Bibliaga, “paida y paibu angelgunaundimi cai allpamun sitarca” nin (Apocalipsis 12:9, 10, 12). Satanás Diabloga paida tucuchina gashcada yachashcamundami demas colerashca gan. Chaimundami cai allpabi causaj gentegunadaga demas sufrichish llaquichijun. Chaimi cai allpabi causaiga na alli gan. Pero Jehová Diosbu Gobiernollami tucui problemagunada tucuchinga.

CAI TEMAMUNDA MÁS YACHASHUNCHI

4. Bibliabu profeciagunami 1.914 huatabi, Diosbu Gobierno mandai callarishcada rricuchin

VIDEO: 1.914 huatabimi Diosbu Gobierno mandai callarirca (5:02)

Taita Diosga Babilonia llactamunda rey Nabucodonosormunmi, muscuibi shuj profeciada rricuchirca. Cai muscui ima nisha nishcadaga profeta Danielmi huillarca, chai profeciabiga Nabucodonosorbu gobiernomunda y Taita Diosbu Gobiernomundami parrlajurca (Daniel 4:17-da liyi).a

Daniel 4:20-26-da liyi. Jipaga recuadrobi tiyaj tapuigunada contestai:

• A) ¿Nabucodonosor paibu muscuibiga imadadi rricurca? (Versículos 20 y 21-da rricui).

• B) ¿Yuraunga imadi tucurca? (Versículo 23-da rricui).

• C) ¿“Siete tiempoguna” pasashca jipaga imadi tucurca? (Versículo 26-da rricui).

Muscuibi rricushca yura y Diosbu Gobierno

PROFECÍA (Daniel 4:20-36)

Mandajushca tiempo

A) Shuj jatun yura

Mandana tucurishca tiempo

B) “Yurada fitish” “siete tiempoguna pasallun saquichi”

Callarishca tiempo

C) “Canbu gobiernoda cutindi japingui”

Punta fajtarishca:

• D) ¿Yuraga pidadi rricuchirca? (Versículo 22-da rricui).

• E) ¿Ima horadi mandanada saquirca? (Daniel 4:29-33-da liyi).

• F) ¿“Siete tiempoguna” jipaga imadi pasarca? (Daniel 4:34-36-da liyi).

PUNTAGA NABUCODONOSORBIMI FAJTARIRCA

Mandajushca tiempo

D) Babilonia llactada, mandaj rey Nabucodonosor

Mandana tucurishca tiempo

E) Huata 606 a.e.c.b jipami Nabucodonosorga loco tucun, chaimundami siete huatagunada mandanada saquirca

Callarishca tiempo

F) Nabucodonosorga sanoyashmi cutindi mandai callarin

Jipa fajtarishca:

• G) ¿Yuraga pigunadadi rricuchijurca? (1 Crónicas 29:23-da liyi).

• H) ¿Ima horadi mandanada saquinajurca? ¿Jesús cai allpabi gajpi na mandanajushcadaga imashinadi yachanchi? (Lucas 21:24-da liyi).

• I) ¿Maibi, ima horadi cai Gobiernoga mandai callarirca?

JIPAGA JEHOVÁ DIOSBU GOBIERNOBIMI FAJTARIRCA

Mandajushca tiempo

G) Israelmunda reygunaga Taita Diosbu Gobiernodami rricuchirca

Mandana tucurishca tiempo

H) 607 a.e.c. huatabimi Jerusalenga tucuchishca saquirirca; chaimundami Israelmunda reygunaga 2.520 huatagunada mandanada saquirca

Callarishca tiempo

I) 1.914 huatabimi Jesusga Taita Diosbu Gobiernobi rey shina mandai callarin

5. 1.914 huatabimi cai allpabi causaiga cambiai callarirca

VIDEODA rricui.

VIDEO: 1.914 huatabimi cai mundoga cambiai callarirca (1:10)

Jesusga jahua cielobi mandai callarishca jipa, cai allpabi causai imashina gana gashcadami nirca. Lucas 21:9-11-da liyish, chaimunda parrlaichi:

• Cai profeciagunamundaga ¿majinguna fajtarijushcada rricushcangui?

Apóstol Pabloga cai tucuri funchagunabi genteguna imashina gana gashcadami nirca. 2 Timoteo 3:1-5-da liyish, chaimunda parrlaichi:

• Cai textogunabi rricushca shinaga cunun funchagunabi gentegunaga, ¿imashinadi comportarinajun?

6. Jehová Diosbu Gobierno ña mandajushcada yachashcamundami cutishujmun predicana ganchi

Mateo 24:3, 14-da liyish, chaimunda parrlaichi:

• ¿Taita Diosbu Gobierno ña mandajushcadaga imashinadi yachanchi?

• ¿Canbish imashinadi predicacionbi participai pudingui?

Jehová Diosbu Gobiernoga ñami jahua cielobi mandajun y cai allpadabish ñallami mandai callaringa. Hebreos 10:24, 25-da liyish, chaimunda parrlaichi:

• ¿“Diosbu funcha chayamujushcada” yachashaga imadadi rrurrana ganchi?

RESUMEN

Bibliabu profeciaguna y cai mundobi ima pasajushcagunada rricushmi Taita Diosbu Gobierno ña mandajushcada rricunchi. Caida crishcada rricuchingabuga Taita Diosbu Gobiernomundami predicanchi, shinalladi tandanajuigunamun rrinchi.

Repaso

• ¿Daniel librobi siete tiempogunamunda parrlashca jipaga imadi pasarca?

• ¿1.914 huatabi Taita Diosbu Gobierno mandai callarishcadaga, canga imamundadi cringui?

• ¿Taita Diosbu Gobierno ña mandajushcada tucui shungun crishcada rricuchingabuga imadadi rrurrana gangui?

ASHTAUN YACHAI

1.914 huatamunda cai mundo imashina cambiashcada huaquin estudiado genteguna ima nishcada rricui.

“La era en que los valores decayeron radicalmente” (¡Despertad!, abril de 2007)

Mateo 24:14-bi tiyaj profecía imashina cai jarida ayudashcada rricui.

“El béisbol era mi pasión” (La Atalaya, núm. 3 2017)

¿Daniel capítulo 4-bi parrlashca profecía Diosbu Gobiernomunda parrlajushcadaga imashinadi yachanchi?

“¿Cuándo comenzó a gobernar el Reino de Dios? (Primera parte)” (La Atalaya, 1 de octubre de 2014)

Daniel capítulo 4-bi “siete tiempogunamunda” parrlashca profeciaga ¿imamundadi 1.914 huatabi fajtarirca?

“¿Cuándo comenzó a gobernar el Reino de Dios? (Segunda parte)” (La Atalaya, 1 de noviembre de 2014)

Taita Diosbu Gobiernoga ñami mandajun. Ñallami cai allpabi ashca cambiogunada rrurranga. Cai leccionbiga Taita Diosbu Gobierno alli cosasgunada rrurrana gashcada, shinalladi imamunda caida chaparana gashcadami yachashun.

1. ¿Cai allpabi tranquilo alli causai tiyallun, Jehová Diosbu Gobiernoga imadadi rrurranga?

Armagedón guerrabimi, Taita Diosbu Gobiernobi mandaj Jesús cai allpabi malo gentegunada y paibu gobiernogunadabish tucuchinga (Apocalipsis 16:14, 16). Chai tiempobiga, Bibliabi tiyaj cai promesami fajtaringa: “Asha funchaguna jipaga malo gentegunaga ña na tiyangallu” (Salmo 37:10). Jehová Diosbu Gobiernounmi, Jesusga tucui cai allpabi tranquilo alli causai tiyallun ayudanga (Isaías 11:4-da liyi).

2. ¿Jehová Dios cai allpada mandajpi causaiga imashinadi ganga?

Taita Dios mandajujpiga “alli gentegunallami cai allpada chasquinga, chaibimi para siempre causanajunga” (Salmo 37:29). Cai allpabi Jehová Diosda juyaj alli gentegunalla causajushcada yuyai. Caida rricunaga juilami ganga, nipi na ungungallu, tucuigunami para siempre causanajunga.

3. ¿Malo gentegunada tucuchishca jipa Taita Diosbu Gobiernoga imadadi rrurranga?

Cai mundobi tucui malo cosasgunada tucuchishca jipami, Jesusga 1.000 huatagunada mandanga. Chai tiempobimi, Jesús y 144.000 mandajguna gentegunada juchamunda libres saquirillun, shinalladi perfecto causaida charillunbish ayudanga. Chai tiempo tucurishca jipami, cai allpaga shuj juila paraíso tucunga, shinalladi tucui gentegunami Jehová Diosbu mandashcagunada cazush contento para siempre causanajunga. Chai jipami Jesusga chai Gobiernoda paibu Taitamun vueltachinga. Chashnami Jehová Diosbu shuti santificado ganga (Mateo 6:9, 10). Shinami Jehová Dios alli mandaj, y paibu puebloda cuidaj gashcada rricuchinga. Chai jipami Jehová Dios Satanasda, paibu demoniogunada y majinbish paibu contra tucusha nijgunada tucuchinga (Apocalipsis 20:7-10). Diosbu Gobierno cushca bendiciongunaga para siempremi tiyanga.

CAI TEMAMUNDA MÁS YACHASHUNCHI

4. Taita Diosbu Gobiernomi cai allpabi tiyaj gobiernogunada tucuchinga

“Gentegunaga paigunapuralladi llaquichish causangabumi mandajushca” (Eclesiastés 8:9). Jehová Diosbu Gobiernollami cai mundobu llaquigunada tucuchinga.

Daniel 2:44 y 2 Tesalonicenses 1:6-8-da liyish, chaimunda parrlaichi:

• ¿Jehová y paibu churi Jesús, cai mundobi gobiernogunaun y paigunada apoyajgunaunga imadadi rrurranga?

• ¿Jehová Dios y Jesusbish na ñahuida rricush alli mandajguna gashcabi confiallunga imadi ayudanga?

5. Jesusllami alli gobernante gan

Jesús Taita Diosbu Gobiernobi Rey gashcamundami cai allpabi causaj gentegunada ayudanga. Jesús gentegunada ayudangabu munaida charishcada, shinalladi Jehová Dios pai poderta cushcada yachangabuga cai VIDEODA rricui.

VIDEO: Jesusmi Diosbu Gobierno imada rrurrana gashcada rricuchirca (1:13)

Jesús cai allpabi rrurrashca cosasgunami Diosbu Gobierno imada rrurrana gashcada rricuchirca. Catij promesagunamundaga, ¿majindadi ashtaun rricunada munangui? Cai promesagunabi tiyaj tucui textogunada liyi.

6. Jehová Diosbu Gobiernomundami, shamuj funchagunabi alli causashun

VIDEO: Shamuj funchagunabi alli causana gashcadami rricuchin (4:38)

Salmo 145:16-da liyish, chaimunda parrlaichi:

• ¿Jehová Dios tucui allpabi “causajgunamun amijta caranada” yachashaga imashinadi sintiringui?

RESUMEN

Diosbu Gobiernoga pai munashcadami fajtachinga. Paraíso allpabimi Jehová Diosda adoraj gentegunalla para siempre causanga.

Repaso

• ¿Jehová Dios paibu shutida jatunyachingabuga imadadi rrurranga?

• ¿Taita Diosbu Gobiernomunda Bibliabi tiyaj promesaguna fajtarinadaga imamundadi crinchi?

• ¿Taita Diosbu promesagunamundaga, majindadi ashtaun fajtarillun munangui?

ASHTAUN YACHAI

Armagedón ima gashcada yachai.

“¿Qué es el Armagedón?” (Artículo de jw.org)

Jesús parrlashca Gran tribulación funchagunabi ima tucunada rricui (Mateo 24:21).

¿Qué es la gran tribulación? (Artículo de jw.org)

Jehová Diosbu Gobierno ña mandajujpi, ¿familiagunaga imashinadi causanajunga?

Imagínate en el Paraíso (1:50)

“Ashca tapuigunadami charircani” nishca experienciada liyi, chaibi shuj político problemagunabu solucionda tarishcada rricui.

“La Biblia les cambió la vida” (La Atalaya, 1 de enero de 2012)