LECCIÓN 05
Bibliaga Diosbu alli noticiagunadami ñucunchigunabu charin
Jehová Diosga, Bibliabi 66 librogunadami cushca. Chaiga valishca regalomi gan. Tal vez tapurishcanguillari: “¿Imashinadi Bibliaga tiyai callarirca? ¿Pidi escribirca?”. Chai tapuigunada contestangabuga Taita Diosbu palabra imashina cunun funchagama tiyashcada rricushunchi.
1. Jariguna Bibliada escribishca gajpish, ¿imamundadi Diosbu palabra gashcada ninchi?
Bibliadaga diferente trabajoda charij 40 jarigunami escribinajurca. Bibliadaga Jesús narij shamujpi huata 1.513-bimi escribi callarirca, y Jesús shamushca jipa huata 98-bimi escribish tucuchirca. Shinaga, Bibliadaga 1.600 huatagunabimi escribish tucuchirca. Pero, Bibliaga shuj solo yuyaidami charin. ¿Imamunda? Porque Diosmi escribichirca (1 Tesalonicenses 2:13-da liyi). Cai jarigunaga paigunabu yuyaigunadaga na escribinajurcallu, chaibu rrandiga “Taita Diosmi paibu espíritu santoun gentegunada ayudash parrlachirca” (2 Pedro 1:21).a Diosga paibu espíritu santounmi paibu yuyaigunada jariguna escribillun ayudarca (2 Timoteo 3:16).
2. ¿Majingunadi Bibliadaga chari pudin?
Tucui paismunda, familiamunda, idiomamunda y pueblomunda gentegunami Bibliabu alli noticiagunamundaga beneficiari pudin (Apocalipsis 14:6-da liyi). Diosmi Bibliadaga ashca idiomagunabi tiyallun saquishca. Chaimundami, cutishuj librogunamundash más traducishca gan. Maibi causashash, ima idiomada parrlashash casi tucui gentegunami Biblia ima nishcadaga yachai pudin.
3. ¿Jehová Diosga imashinadi Bibliadaga cuidarca?
Bibliadaga ismunalla materialgunabimi escribinajurca. Por ejemplo, animalgunabu caragunabi, papiro nishca plantabu fangagunabimi escribinajurca. Pero Bibliada respetaj jarigunaga, maquiun escribishmi ashca copiagunada rrurranajurca. Autoridadta charij jariguna Bibliada tucuchisha nijpish, huaquin jarigunaga paigunabu causaida peligrobi churashmi Bibliada cuidanajurca. Jehová Diosga ñucunchiun parrlangabuga nipi jarcallun na saquishcallu. Bibliabiga ninmi: “Ñucunchi Diosbu palabraga para siempremi tiyash catinga” (Isaías 40:8).
CAI TEMAMUNDA MÁS YACHASHUNCHI
Dios Bibliada escribillun, huaquin jarigunada imashina ayudashcada yachashun. Shinalladi, Bibliada cuidangabu y genteguna Bibliada charillun imada rrurrashcadash rricushun.
4. Bibliabiga, Taita Dios Bibliada escribichishcadami rricuchin
Cai VIDEODA rricui. Jipaga 2 Timoteo 3:16-da liyish, chaimunda parrlaichi:
Jariguna Bibliada escribishca gajpiga, ¿Bibliadaga imamundadi Diosbu palabra ninchi?
¿Ciertollu Taita Diosga paibu pensamientogunadaga jarigunamun huillarca?
Secretario cartada escribishca gajpish, yuyaigunaga jefebumi gan. Paimi imada escribina gashcada huillan. Bibliaunga shinalladimi tucurca: genteguna escribishca gajpish, yuyaigunaga Diosbumi gan.
5. Bibliaga ashca jarcaiguna tiyajpish cunungamami tiyash catishca
Biblia Taita Diosbu shimi gashcamundami pailladi cuidashca. Huasha tiempomundami gobiernogunaga Bibliada tucuchinada munanajurca. Shinalladi, religiongunada pushajgunabish genteguna Bibliada liyillunga na munanajurcallu. Pero, ashca enemigoguna huañuchingabu amenazash catijpish, ashcagunaga paigunabu causai peligrobi gajpish, Bibliadaga cuidashmi catinajurca. Shuj jari caida rrurrashcada yachangabuga, cai VIDEODA rricush caimunda parrlaichi:
Bibliada ama chingachillun demas cuidashcada yachashaga, ¿nallu ashtaundi liyinada munangui? ¿Imamunda?
Salmo 119:97-da liyish, chaimunda parrlaichi:
Bibliada gentegunamun traducish cungabuga, ¿imamundadi ashca gentegunaga paigunabu causaida peligrobi churashca?
6. Bibliaga tucuigunabumi gan
Bibliaga tucui librogunamundami más traducishca gan, casi tucui gentegunami Bibliada charin. Hechos 10:34, 35-da liyish, chaimunda parrlaichi:
¿Diosga imamundadi paibu palabrada ashca idiomagunamun traducish, ashca genteguna charillun munan?
¿Bibliamundaga imadadi ashtaun yachanada munangui?
Casi
100%
gentegunami
Bibliadaga, paiguna intindishca idiomabi liyi pudin
Bibliaga
3.000
idiomagunabimi,
completo o en parte tiyan
Casi 5.000 millones
Bibliagunami imprimishca tiyan.
Tucui librogunamunda yalli imprimishca libromi gan
HUAQUINGUNAGA NINMI: “Bibliaga ñaupa tiempo jarigunalla escribishca libromi gan”.
¿Canga imada yuyangui?
¿Biblia Diosbu palabra gashcada yachangabuga ima pruebagunadi tiyan?
RESUMEN
Bibliaga Diosbu palabrami gan, chaimundami Diosga tucui genteguna Bibliada liyillun munan.
Repaso
¿Taita Diosga jariguna Bibliada escribillunga imashinadi ayudarca?
Biblia ama tiyallun ashca jarcaiguna tiyajpish, ¿cunungama tiyashcada yachashaga imadadi yuyangui? ¿Y traducish, gentegunamun cushcamundaga imadadi yuyangui?
¿Dios caun parrlangabu imada rrurrashcada yachashaga imashinadi sintiringui?
ASHTAUN YACHAI
Biblia imashina tiyai callarishcada yachai: ñaupa tiempomunda cunun tiempogama.
Quimsa jatun jarcaiguna tiyajpish, Biblia imashina tiyash catishcada liyi.
“La Biblia. Una historia de supervivencia” (La Atalaya, núm. 4 2016)
Genteguna Bibliada traducingabu ima peligrogunada charishcada rricui.
Bibliamundaga ashca traduccionguna y copiagunami tiyan. ¿Taita Diosbu palabra na cambiashcadaga imamundadi seguro gangui?
“¿Se ha cambiado o manipulado la Biblia?” (Artículo de jw.org)
a Espíritu santoga Diosbu fuerzami gan, cai fuerzaga poderta charishcamundaga nunca na shaicunllu, lección 7-biga shinami yachachin.