¿Taita Diosga shuj shutida charinllu?

Ñaupa tiempomundami gentecanchaga ashca diosgunada adorashca. Pero Bibliabimi cutishuj “diosgunamundash, shuj alli Dios tiyashcada” nin (2 Crónicas 2:5). ¿Cai Diosga, pidi gan? ¿Genteguna adorashca diosgunamundaga, imamundadi yalli gan? Cai leccionbimi Dios paimunda imada yachallun munashcada yachangui.

1. ¿Diosbu shutiga majindi gan? ¿Paibu shutida rrijsillun munashcadaga, imashinadi yachanchi?

Bibliabimi, Diosga cashna nirca: “Ñucaga Jehová Diosmi gani. Caimi ñuca shuti” (Isaías 42:5, 8-da liyi). Jehová shutiga hebreo idiomamundami shamun, chai shutiga “pai imada rrurrasha nishcada fajtachij gashcadami” nisha nin. Jehová Diosga paibu shutida rrijsillunmi munan (Éxodo 3:15). ¿Imashinadi caida yachanchi? Pailladimi Bibliabi paibu shuti más de 7.000 veces rricurillun churashca.a Jahua cielobi, cai allpabi tiyaj verdadero Diosbu shutiga Jehovami gan (Deuteronomio 4:39).

2. ¿Bibliaga Jehová Diosmunda imadadi yachachin?

Gentecancha adorashca diosgunapuramunda Bibliami shuj único verdadero Dios tiyashcada nin, paiga Jehovami gan. ¿Imamundadi cashna nin? Jehová Diosllami tucui autoridadta charin, “cai mundobi y cielobiga canllami Jatunmari gangui” (Salmo 83:18-da liyi). Paillami “Tucui poderta charin”, chaimundami pai munashcada fajtachingabu chai poderta utilizan. Shinalladi paimi “Tucuida rrurraj gan”, chaimundami universoda y cai allpabi causaida charijgunadash rrurrarca (Apocalipsis 4:8, 11). Shinalladi, Jehová Diosga ñaupa tiempomundami tiyashca, y para siempremi tiyash catinga (Salmo 90:2).

3. Dios ashca titulogunada charishash, shuj solo shutidami charin

Shuj personabu titulogunamunda y paibu shutimunda ima diferencia tiyashcada rricungabuga, VIDEODA rricush caimunda parrlaichi:

VIDEO: ¿Diosga ashca titulogunada charishash, shuj solo shutidallu charin? (0:41)

• ¿Shuj shutiun y shuj titulounga ima diferenciadi tiyan, por ejemplo señor?

Bibliabimi, gentegunaga ashca diosgunada y señorgunada adoran nin. Salmo 136:1-3-da liyish, chaimunda parrlaichi:

• ¿Pidi “Tucui diosgunamunda yalli Dios” y “Tucui mandajgunamunda Jatun Mandaj” gan?

4. Jehová Diosga, paibu shutida can rrijsillun y utilizallunmi munan

VIDEO: ¿Taita Diosga shuj shutida charinllu? (Uchilla video) (3:11)

• ¿Canga imamundadi Jehová Dios paibu shutida rrijsillun munashcada cringui?

Jehová Diosga tucui genteguna paibu shutida utilizallunmi munan. Romanos 10:13-da liyish, chaimunda parrlaichi:

• Jehová shutida utilizanaga, ¿imamundadi importante gan?

• Majinbish canbu shutibi cayajpiga, ¿imashinadi sintiringui?

• Can Jehová Diosbu shutida utilizajpiga, ¿imashinadi paiga sintiringa?

5. Jehová Diosga paibu amigo tucullunmi munan

VIDEO: Verdadero Diosdami mascarcani (8:18)

• Videobi rricushca shinaga, ¿Diosbu shutida rrijsinaga imashinadi Soten huarmidaga ayudarca?

Piunbish amigo tucungabuga puntabiga paibu shutidami rrijsina ganchi. Santiago 4:8 callari parteda liyish, chaimunda parrlaichi:

• ¿Jehová Diosga can imada rrurrallundi munan?

• Jehová Diosmun cuchuyangabuga ¿paibu shutida rrijsina y utilizanaga ministirishcallu gan? ¿Imamunda?

RESUMEN

Diosbu shutiga Jehovami gan. Paiga paibu amigo tucullun, paibu shutida rrijsillun y utilizallunmi munan.

Repaso

• Genteguna adorashca diosgunamundaga ¿Jehová Diosga imabidi diferente gan?

• ¿Imamundadi Diosbu shutida utilizana ganchi?

• ¿Jehová paibu amigo tucullun munashcadaga, canga yacharcanguillu? ¿Imamundadi shina yuyangui?

ASHTAUN YACHAI

Dios tiyashcada rricungabuga cinco yuyaigunada rricui.

“¿De veras existe Dios?” (Artículo de jw.org)

Dios siempre tiyashcada yuyana imamunda alli gashcada rricui.

“¿Quién hizo a Dios?” (La Atalaya, 1 de agosto de 2014)

Hebreo idiomabi Diosbu shutida imashina nina gashcada na yachashash, imamunda Diosbu shutida utilizana gashcada rricui.

“¿Quién es Jehová?” (Artículo de jw.org)

¿Diosbu shutida utilizanaga importantellu gan? Dios shuj solo shutida charishcada rricui.

“¿Cuántos nombres tiene Dios?” (Artículo de jw.org)