LECCIÓN 37
¿Trabajomunda y cullquimundaga, Bibliaga imadadi nin?
¿Huaquinbiga trabajomunda o cullquimunda preocupadollu sintirishcangui? Shinaga ministirishcallaun causangabu trabajana y Jehová Diosda sirvinaga na jahuallallu ganga. Bibliami caimunda alli consejogunada cun.
1. ¿Bibliaga trabajomunda imadadi nin?
Taita Diosga ñucunchi charishca trabajoun contento sintirillunmi munan. Chaimundami, Bibliabiga nin: “gentegunaga paibu shinchi trabajomunda [...] contento sintirina gan” (Eclesiastés 2:24). Jehová Diosga trabajadormi gan. Chaimunda paibu ejemploda catish, trabajadorguna gashaga paidami contentachinchi y ñucunchish contentomi sintirinchi.
Trabajoda charinaga importantemi gan, pero Jehová Diosda adoranami más importante gan (Juan 6:27). Jehová Diosda sirvinada ñucunchi causaibi punta lugarbi churajpiga, paiga ñucunchigunada cuidasha ninmi.
2. ¿Cullquida imashinadi utilizana ganchi?
Bibliabiga “cullquimi ñucunchi causaibi ayudan” nin, pero cullquida charishcallamunda contento causanadaga na ninllu (Eclesiastés 7:12). Chaimundami, Bibliaga cullquida ama demas juyallun nish cai consejoda cun: “Charishcallaun contentos causaichi” (Hebreos 13:5-da liyi). Charishcallaun contento causashaga na dibiyash, tranquilomi causashun. Shinaga dibi saquirinamundami salvarinchi (Proverbios 22:7). Shinalladi apuestas llancanamunda y cullquida fácil charina trabajomundashmi caruyashun.
3. ¿Imashinadi ñucunchi cullquiun cutishujgunada ayudai pudinchi?
Jehová Diosga na mitsa Diosmi gan, y pai shina gangabuga “na mitsash cutishujgunamun compartingabumi” listos gana ganchi (1 Timoteo 6:18). Ñucunchi charishca cullquidaga congregacionbu gastogunabi y ministijuj huauquipanigunada ayudashmi alli utilizai pudinchi. Jehová Diosga shungumunda cujtami alli chasquin. Shinaga na mitsash shungumunda cushaga, ñucunchilladi contento sintirishun y Jehová Diosdashmi contentachishun (Hechos 20:35-da liyi).
CAI TEMAMUNDA MÁS YACHASHUNCHI
Ñucunchi trabajoun contentos sintiringabu, shinalladi charishcallaun causangabu ima ayudaguna tiyashcada rricushunchi.
4. Alli trabajador gash Jehová Diosda jatunyachi
Ima trabajoda rrurrashaga Jehová Diosmun trabajajushca shina rrurrashunchi. VIDEODA rricush caimunda parrlaichi:
¿Huauqui Jasonga imashinadi paibu trabajoda rrurrarca?
¿Solo trabajobi ama yuyangabuga imadadi rrurrarca?
Colosenses 3:23, 24-da liyish, chaimunda parrlaichi:
¿“Tucui shungun” trabajanaga imamundadi importante gan?
Trabajanaga importantemi gan, pero Jehová Diosda sirvinami más importante gan.
5. Charishcallaun contentos causashunchi
Ashca gentegunaga ashca cullquida charingabumi esforzarin, pero Bibliabiga chaida rrurrana na alli gashcadami aconsejan. 1 Timoteo 6:6-8-da liyish, chaimunda parrlaichi:
¿Bibliaga ima consejodadi cun?
Ashalla cosasgunada charishash contentosmi causai pudinchi. VIDEODA rricush caimunda parrlaichi:
¿Cai familiaguna ashalla cullquida charishash imamundadi contentos causanajun?
¿Cullquida charishash imamundadi ashtaun charinada munanaga na alli gan? Jesusga shuj ejemploda churashmi caimunda yachachirca. Lucas 12:15-21-da liyish, chaimunda parrlaichi:
¿Jesús churashca ejemplomundaga imadadi yachangui? (Versículo 15-da rricui).
Proverbios 10:22-da liyishca jipa 1 Timoteo 6:10-un comparai. Jipaga, chaimunda parrlaichi:
¿Imadi ashtaun más importante gashcada yuyangui: Jehová Diosbu amigo tucuna, o ashca cullquida charina? ¿Imamunda?
¿Cullquida ashtaun charinada munashaga ima llaquibidi urmai pudinchi?
6. Jehová Diosmi ima ministishcada cush ayudanga
Trabajo illaj saquirish o cullquida na charinaga, imashina Jehová Diosbi confiashcada o na confiashcada rricuchillunmi ayudan. Shina llaquigunada aguantangabu imada rrurrana gashcada yachangabuga cai VIDEODA rricuichi, jipaga caimunda parrlaichi:
Videobi rricushca huauquiga, ¿ima problemagunadadi chimbapurana garca?
¿Aguantash catingabuga imadadi rrurrarca?
Mateo 6:25-34-da liyish, chaimunda parrlaichi:
¿Jehová Diosga paida primer lugarbi churash sirvijgunadaga, imashinadi ayudasha nin?
HUAQUINGUNAGA NINMI: “Familiada mantiningabuga trabajanami gani. Cada semana tandanajuimun rrinadaga na pudishallu”.
¿Bibliamunda ima textodi Jehová Diosda punta lugarbi churash sirvinaga importante gashcada crillun ayudan?
RESUMEN
Trabajoda y cullquida charinash ministirishcami gan, pero chai cosasgunada primer lugarbi churash Jehová Diosda sirvinada saquinaga na allillu gan.
Repaso
¿Trabajollabi ama demas preocuparingabuga imadi ayudanga?
¿Ministirishcallaun causanaga, imashinadi ayudan?
Jehová Diosga paida sirvijgunadami cuidasha nin, pero ¿paibi confiashcadaga imashinadi rricuchi pudingui?
ASHTAUN YACHAI
¿Bibliaga cullquida charina malo gashcadallu nin?
“¿Tiene el dinero la culpa de todos los males?” (Artículo de jw.org)
Cutishujgunada ayudajpi Jehová Dios imashina sintirishcada rricui.
¿Cullquida charingabu apuestagunabi participanaga allillu gan?
“El punto de vista bíblico: Los juegos de azar” (¡Despertad!, marzo de 2015)
Shuj jariga apuestagunada y shuhuanadami yacharca, pero paibu causaibi cambiallun ima ayudashcada liyi.
“Me apasionaban las carreras de caballos” (La Atalaya, 1 de noviembre de 2011)