Panta religiongunaga Diosbu shutidami na alli saquichinajushca

Taita Diosga juyajmi gan, pero religiongunaga Diosda catinchi nij tucushallami paibu shutida utilizash malo cosasgunada rrurranajushca. ¿Imamundadi na alli cosasgunada rrurrash causanajushca? Cai religiongunaga llullami gan. Paigunabu nishcagunaun, rrurraigunaun Jehová Diosda na alli saquichishca. ¿Imashinadi Diosbu shutida na alli saquichishca? Jehová Dios caida rricushaga, ¿imashinadi sintirin? Caida rricushaga, ¿imadadi rrurranga?

1. ¿Paigunabu yachachishcagunaunga imashinadi Diosbu shutida mapayachinajushca?

Panta religiongunaga “Dios yachachishca verdadtaga, llullaunmi cambianajurca” (Romanos 1:25). Por ejemplo, chai religiongunaga Diosbu shutida na yachachinllu. En cambio, Bibliabiga Diosbu shutida utilizana gashcadami nin (Romanos 10:13, 14). Huaquin yachachijgunaga ima llaqui japijpiga “Diosmi castigan” nin. Pero chaiga llullami gan. Ima malo cosasgunamunda Diosga culpada na charinllu (Santiago 1:13-da liyi). Cai laya llullagunami gentegunada Diosmunda caruyachishca. Caiga llaquimi gan.

2. ¿Paigunabu rrurraigunaunga imashinadi Taita Diosbu shutida mapayachishca?

Panta religiongunaga Jehová Dios shina gentegunadaga na tratanllu. Bibliabiga ninmi: “paigunabu pecadogunaga mirarishmi jahua cielogama chayashca” (Apocalipsis 18:5). Ashca huatagunadami panta religiongunaga politicabi tsagrurish, guerragunada apoyash, gentegunada huañuchish causanajun. Huaquin panta religionda pushajgunaga charij tucushmi causanajushca, y shina causash catingabumi paigunabu catijgunada más cullquida cullun mañan. Shina rrurrashaga Diosda na rrijsishcadami rricuchinajun. Chaimunda, ¿paigunaga imashinadi Diosbu representante gai pudin? (1 Juan 4:8-da liyi).

3. ¿Taita Diosga panta religiongunabu rrurraigunada rricushaga imashinadi sintirin?

Panta religionbu rrurraigunada rricushaga demasmi coleranchi, Jehová Diosbish shinalladimi sintirin. Paiga gentegunadaga juyanmi, pero paibu shutida na allibi saquichijda y gentegunada maltrataj religiongunadaga na rricunachinllu. Taita Diosga panta religiongunada tucuchishami nin y chai religiongunaga “nunca más cutindi na rricuringallu” (Apocalipsis 18:21). Ñallami para siempre tucui panta religiongunada tucuchinga (Apocalipsis 18:8).

CAI TEMAMUNDA MÁS YACHASHUNCHI

4. Diosga na tucui religiongunadallu chasquin

Ashca gentegunaga tucui religiongunami Diosmun apaj gashcada criin. Ashca gentegunami, Diosga tucui religiongunada chasquin nin. ¿Pero chaiga ciertollu gan? Mateo 7:13, 14-da liyish, chaimunda parrlaichi:

• Biblia yachachishca shinaga, ¿majin ñandi causaimun apan?

VIDEODA rricush caimunda parrlaichi:

VIDEO: ¿Diosga illita religiongunadallu chasquin? (Uchilla video) (3:22)

• ¿Bibliaga Taita Dios tucui religiongunada chasquishcadallu yachachin?

5. Panta religiongunaga Diosbu juyaida na rricuchinllu

Panta religiongunaga Diosbu shutidami malpi saquichishca. Por ejemplo, guerragunabimi participan. Chaimunda ashtaun yachangabuga, VIDEODA rricui. Jipaga caimunda parrlaichi:

VIDEO: Segunda guerra mundialbi ¿religiongunaga imadadi rrurrarca? (2:22)

• ¿Segunda Guerra Mundial tiyashca tiempobiga iglesiagunaga imadadi rrurranajurca?

• ¿Chaida rrurrashcamunda canga imadadi yuyangui?

Juan 13:34, 35 y 17:16-da liyish, chaimunda parrlaichi:

• ¿Panta religionguna guerragunada apoyajpiga Jehová Diosga imashinashi sintirin?

• Panta religiongunaga millai, manchanai malo cosasgunadami rrurranajun. Shinami Jehová Diosbu juyaidaga na rricuchin. ¿Canga ima malo cosasgunada rrurrajta rricushcangui?

6. Taita Diosga gentegunada panta religiongunamunda cacharichisha ninmi

Apocalipsis 18:4-da liyish,a chaimunda parrlaichi:

• Panta religiongunaga ashca gentegunadami engañashca. Taita Diosga chai gentegunadami ayudasha nin. ¿Imadadi yuyangui?

7. Taita Diosmunda yachanadaga ama saquillu

¿Panta religiongunabu rrurraigunamunda Taita Diosda juchachinaga allillu gan? Caibi yuyai: Shuj churiga paibu taitabu alli consejogunada na uyasha nish, huasimunda rrishmi na alli causaida charin. Pero taitaga culpada na charinllu. Malcriado churi na alli causashcamunda, ¿taitada culpanaga allillu ganga?

• ¿Panta religiongunabu na alli rrurraigunada rricush Jehová Diosda juchachish, paimunda na yachanaga allillu ganga?

RESUMEN

Panta religiongunaga paigunabu na alli yachachishcagunaun y rrurraigunaunmi Jehová Diosbu shutida na allibi saquichishca. Pero Diosga ñallami paigunada tucuchinga.

Repaso

• ¿Panta religionguna yachachishcagunamunda y rrurraigunamundaga canga imadadi yuyangui?

• ¿Jehová Diosga panta religiongunamunda imadadi yuyan?

• ¿Diosga panta religiongunadaga imadadi rrurranga?

ASHTAUN YACHAI

Diosga cai ishqui razonmunda panta religiongunada na rricunachin. Majinguna gashcada rricui.

“¿Nos acercan a Dios todas las religiones?” (Artículo de jw.org)

¿Imamundadi Jehová Diosga congregacionbi tandalla paida adorallun munan?

“¿Es necesario pertenecer a una religión?” (Artículo de jw.org)

Shuj sacerdotega paibu religionbi na confiarcallu. Pero Diosmunda yachanadami decidirca.

“Un sacerdote abandona la Iglesia” (¡Despertad!, febrero de 2015)

Panta religiongunaga ashca huatagunadami Jehová Diosga castigaj, malo y fiñaj gan nishmi llullagunada yachachishca. Cai quimsa llullaguna imashina tiyai callarishcada rricui.

“Mentiras que nos alejan de Dios” (La Atalaya, 1 de noviembre de 2013)