Parte 14-pica caitami yachagrinchij

Jesusta punta catijcunaca caru llajtacunapimi Diospaj Gobiernomanta huillarcacuna. Jesusca maillapi huillanatami ricuchirca. Shinallataj Diospaj espirituta chasquishpa chꞌican chꞌican shimicunapi huillachunmi ayudarca. Jesusta punta catijcunata catirashpa llaquichisha nijpipish mana manchashpa ahuantachunmi Diosca fuerzata curca.

Jehová jatun tiyarinapi tiyacujta, yallitaj sumaj cajtami shuj muscuipi shina Jesusca Juanman ricuchirca. Shujtaj muscuipica Jesús rey cashpa Satanaspaj gobiernota ima shina tucuchina cashcatami ricuchirca. Shinallataj Rey Jesús 144.000 ungidocunahuan mandacushcatami Juanca ricurca. Cai Allpapish shuj paraíso tucujtami ricurca. Chaipica tucuicunami tandalla Jehová Diosta adorashpa causacujta ricurca.