Gentecunata llaquij cai

¿Jesusca imatataj rurarca?

VIDEO: Jesusca achcacunata llaquishpami yachachi callarirca

1. VIDEOTA ricui. Mana cashpaca Marcos 6:​30-34-ta liyipai. Qꞌuipaca cai catij tapuicunapi yuyai:

1. ¿Jesuspish, apostolcunapish chulunlla ladomanca imapajtaj risha nircacuna?

2. ¿Jesusca imamantataj achcacunaman yachachi callarirca?

¿Jesuspaj ejemplomantaca imatataj yachanchij?

2. Gentecunaman predicasha nishpapish, punta lugarpica paicunamantami preocuparina canchij, imapi ayudai tucushpaca ayudanallami canchij.

Jesús shina rurai

3. Alli uyaj cai. Huasiyuj parlachun saqui. Ima shina sintirishcata, imamanta preocuparishcata, imata yuyashcata huillajpica allimi uyana cangui. Chaimi paimanta de veras preocuparishcata ricunga.

4. Huasiyuj ima shina cashcapi yuyai. Paihuan imata parlashcata yuyarishpa cashna tapuri:

1. “¿Paica imamantataj Bibliamanta yachanata munan? ¿Ima llaquicunallatataj charin?”.

2. “¿Biblia yachachishcacunaca paitaca ima shinataj ayudai tucun?”.

5. Imata minishticushcata ricushpa yachachi. Bibliamanta ima shina canhuan yachai tucushcata rato ricuchingapaj esforzari. Pai tapushcacunataca Bibliahuanmi cutichina cangui. Bibliapaj consejocuna ima shina ayudai tucushcatapishmi ricuchina cangui.