Yallitaj llaquicuna ricurijpi

Estados Unidos llajtamanta Saraca,a jatun acapana tiyashcamantami casi tucui charishca cosascunata chingachirca. Paica: “Chai llaquita ahuantanaca sinchimi carca. Achca punllacunatami fuerza illaj shina carcani” ninmi.

Shuj familia huañujpipish dimastijmi llaquirinchij. Australia llajtamanta Jimenaca: “Ñuca ishqui huahuacuna huañujpica shungu pꞌaquirishpami llaquirircani. Yaya Diostapish: ‘¡Ña manataj pudinica, ayudahuaiyari! Huañushparajchari alli caiman’ nishpami mañarcani” ninmi.

Danielpish paipaj huarmi shujtajhuan traicionashcata yachashpami achca llaquilla carca. Paica: “Ñuca huarmi shujtajhuan puricushcata huillajpica shungupimi yallitaj llaquirircani. Shungupipish cuerpopipish cuchillohuan tujsicushca shinami carca. Achca quillacunatami chashna sintirircani” ninmi.

Canpish cai laya llaquicunata charishcamantachari sufricungui:

• Terremoto, jatun tamia tiyashcamanta

• Familia huañushcamanta

• Cusa o huarmi traicionashcamanta

• Millai ungüita charishcamanta

• Huañuna yuyaicunata charishcamanta

Chashna llaquicunata charishpaca cai revistapi alli yuyaicunata yachashpami ñaupajman cati tucungui.