JESÚS SHINA CAUSASHUNCHIJ
Jatun tandanacuipaj allichirishunchij
Tucui jatun tandanacuicunapi shinami shamuj jatun tandanacuipipish Jehová Diostapish shujtajcunatapish cꞌuyashcatami ricuchina ninchij (Mt 22:37-39). 1 Corintios 13:4-8-pica cꞌuyaita ima shina ricuchinatami yachachin: “Cꞌuyaita charijca llaquita apajmi, alli shunguyujmi, maipish cachun mana imata ruranchu, mana paipajlla mashcanchu, mana yallitaj pꞌiñarijchu. Cꞌuyaica manataj tucuringachu”. Jatun tandanacuipaj allichirishunchij nishca videota ricucushpaca jatun tandanacuipi ima shina cꞌuyaita ricuchinapi yuyai.
¿IMA SHINATAJ CꞌUYAITA RICUCHISHUN...
...puestocunata japicushpa?
...música manaraj uyarijpi?
...pozada huasipi cashpa?
...tandanacuipi ayudanaman rishpa?