Yanga dioscunata ama charishunchij

Yanga dioscunata mana adorana cashcata ricuchij ley manaraj tiyajpipish Jacobca Jehová Diosllata adorana cashcatami ña yacharca (Éx 20:3-5). Chaimantami Jehová Dios Betel llajtaman tigrachun nijpica Jacobca paipaj familiatapish, paihuan cajcunatapish tucui yanga dioscunata chingachichun mandarca. Jacobca tucui santocunata, suerteta ricuchij zarcillocunatapishmi pambarca (Gé 35:1-4). Jacob chashna rurajpimi Jehová Diosca achcata cushicushcanga.

Cunan punllacunapipish Yaya Diosllata adoracushcataca ¿ima shinataj ricuchinchij? Yanga dioscunahuan, brujeriahuan, demoniocunapaj ruraicunahuan chagrurishca cosascunamantami caruyana canchij. Chai cosascunata charishpaca chingachinami canchij. Shinallataj imata ricuj, imata liyij cashcatami alli analizana canchij. Por ejemplo cashna tapuri: “¿Vampirocunata, huañushcacuna causarishcata, demoniocunata ricuchij peliculacunata, librocunatachu liyini, ricuni? ¿Brujeriata, adivinanata allita shina ricuchij cosascunahuanchu divertirini?”. Jehová Dios pꞌiñashca cosascunamanta caruyashunchij (Sl 97:10).

DIABLOTA MISHASHUNCHIJ NISHCA VIDEOTA CHURASHCA QꞌUIPA CAI TAPUICUNATA CONTESTAI:

• 

  ¿Bibliamanta yachacuj Palesa shuti huarmica ima problematataj charirca?

• 

  Demoniocunapaj ruraicunahuan, brujeriata charij cosascunahuan problemata charishpaca, ¿imamantataj ancianocunapaj ayudata mashcana canchij?

• 

  ¿Jehová Dios ñucanchijta cuidachunca imacunatataj chingachina canchij?

• ¿Palesaca ima importante decisiontataj agllarca?

• ¿Can causan ladopi demoniocunapaj ruraicunahuan chagrurishca cosascunamanta anchuringapajca imatataj rurana cangui?