Diosca canmantami preocuparin
BIBLIACA ungüicunata ima shina jambinataca mana yachachinchu. Pero Diospaj Shimi cashcamantami ñucanchijpajca alli consejocunata charin. Por ejemplo, llaquicunata charishpa, ñucanchij yuyaipi yallitaj sustarishca cashpa, shungupi llaquilla sintirishpa, ñucanchij cuerpopi o yuyaipi ungüita charishpaca Bibliaca chaicunata ima shina chꞌimbapuranatami yachachin.
Ashtahuancarin Bibliapica ñucanchijta ruraj Jehová Diosa ñucanchij ima shina sintirishcata, imata yuyashcata intindij cashcatami yachachin. Paica ñucanchij ima llaquicunahuan cajpipish ayudanatami munan. Cai cushichij versocunata ricupai:
“Mandaj Diosca shungupi llaquilla cajcunapaj cꞌuchullapimi. Espiritupi llaquilla cajcunata quishpichinmi” (SALMO 34:18).
“Mandaj Dios ñuca cambaj Taita Dios cashcamanta cambaj alli maquipi charishpa pushaj cashcamanta: Ama manchaichu, ñucami cantaca ayudasha” (ISAÍAS 41:13).
¿Yuyaipi yallitaj sustarishca cajpi o dimastij llaquilla sintirijpica Jehová Diosca ima shinataj ayudan? Cai catij yachaicunapimi Jehová Dios ñucanchijmanta preocuparishpa ayudaj cashcata ricungui.
a Diospaj shutica Jehovami can (Salmo 83:18, NWT).