Caitami Yachashun

¿Mashna cutintaj Diosman imata ari nircanchij? ¿Ari nishcata pajtachingapajca imatataj ruracunchij? ¿Diosman mingarishpa ari nishcatapish, cazarashpa ari nishcatapish pajtachicunchijchu? Cai yachaipica Jeftepish Anapish paicuna ari nishcata ima shina pajtachishcatami ricushun. Paicunamanta yachashpaca paicuna layallatajmi ruranata munashun.

Ñucanchijcunaca Dios cusha nishca bendicioncunata yuyarishpami causanchij. Cai yachaipica Jehová Dios cai pachata manaraj shuj paraisota rurashpa imallata tucuchigrishcatami yachashun. Caita yachashpaca Diospimi ashtahuan crishun, ima llaquicunatapish ahuantashpami catishun.

Pita llaquichijta ricushpa o ñucanchijta llaquichijpica ¿humildes cashcata, sinchi crij cashcatachu ricuchishun? o ¿Diosmanta caruyashunchu? Cai yachaipica Bibliapi parlashca quimsa runacunamantami yachashun. Caita yachashpaca llaquicunata Jehová Dios ricushca shinami ricushun.

Diosca ñucanchijmanta imata mana minishtijpipish paita servingapaj esforzarijpica cushicunmi. Cai temapica Jueces capítulo 4 y 5-tami yachashun. Cai capitulocunata yachashpaca ñucanchij tucui shunguhuan Dios mandashcata rurajpica paica achcata valichij cashcatami ricushun.