Cai revistapica: ¿Huañui tiyajpica imatashi rurashun?

HUAÑUI TIYAJPICA LLAQUILLAMI SINTIRINCHIJ

¿Shuj familia huañujpica ima layataj sintirinchij? ¿Ayudachun minishtinchijchu?

¿IMA LLAQUICUNATASHI CHꞌIMBAPURANGUI?

Shuj familia o amigo huañujpica huaquin llaquicunahuan chˈimbapuragrishcatami yachangui. Shinallataj gentecunapish llaquilla cashcataca chꞌican laya ricuchishcatami yachangui.

CAITA RURAI

¿Llaquilla cashpapish ñaupajman catingapajca imatataj rurai tucungui? Bibliapi tiyaj consejocunaca achca gentecunata ayudashcatami yachangui.

BIBLIAPI YACHACHISHCACUNAMI AYUDAI TUCUN

Diospaj Shimi ima shina llaquilla cajcunata ayudashcata, cantapish ayudai tucushcatami yachangui.