4. ¿Diosca gentecuna sufrishpa causachunchu rurashca?

¿Caita yachanaca imamantataj importante can?

Cai tapuita yachashpami causai ima shina cashcata intindishun.

Caipi yuyai

Diosca cai Allpataca sumajtami rurashca. Pero, ¿ñucanchijtaca sufrishpa causachunchu condenashca canga?

Ima religionta mana catij gentecunaca shujtajcuna sufrishpa causajta ricushpami, Diosca imapajshi ñucanchijta rurarca o Diosca mana tiyanchu nincuna. Paicunaca, 1) Diosca llaquicunata mana tucuchi tucunchu, 2) Diosca llaquicunataca mana tucuchisha ninchu, 3) Diosca mana tiyanchu nishpami yuyancuna.

Pero, ¿shujtaj razón tiyangachu?

¿Bibliapica imatataj yachachin?

Diosca mana llaquicunahuan sufrishpa causachunchu rurashca

Yaya Diosca cushilla causachunmi munan.

“Ñucaca, cai pachapi causajcunapajca, paicuna imallata rurashcacunamantaca caipi cushicuna, allita rurana alli cashcatami ricuni. Dios cushcallamantami ñucanchij imata rurashcamantaca micunchij, ubyanchij, ñucanchij imallata rurashcata ricushpapish cushicunchijmi” (ECLESIASTÉS 3:12, 13).

Yaya Dios Adán Evata rurajpica tucuimi alli carca

Diosca ni Adán Eva, ni paicunapaj huahuacuna sufrishpa causachunca mana munarcachu.

‘Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij” nircami’ (GÉNESIS 1:28).

Adán Evaca Diosta mana cazunatami decidircacuna

Paicuna mana cazushcamantami paicunapaj huahuacunapish sufrishpa causancuna.

“Shuj runallamantami juchaca, cai pachamanca yaicurca. Chai juchamantami huañuipish yaicurca. Chashnami tucuicuna juchallishcamantaca, huañuica tucui runacunaman shamurca” (ROMANOS 5:12).a

Diosca paita cazushpa causachunmi ñucanchijtaca rurarca

Diosca mana yacupi causaj cachun ñucanchijtaca rurashcachu. Chashnallatajmi ñucanchijllataj mandashpa causachunca mana rurashca.

“Pipish quiquin causaitaca mana mandai tucunchu” (JEREMÍAS 10:23).

Diosca sufrishpa causachunca mana munanchu

Paica llaquicunapi ama urmachunmi alli consejocunata cun.

“Ñuca mandashcacunata can cazushca cajpica, tucuipi can ima shinalla canaca jatun yacu shinami canman” (ISAÍAS 48:18).