5. ¿Shuj punllaca tucui sufrimiento tucuringachu?
¿Caita yachanaca imamantataj importante can?
Llaquicuna tucurinata confiashpami ña mana llaquilla causashun. Shinallataj Yaya Dios mana culpata charishcatapishmi intindishun.
Caipi yuyai
Achca gentecunami llaquicunata, sufrimientota tucuchinata munancuna, pero casi imata mana rurai tucuncunachu. Por ejemplo:
Doctorcuna ungüicunata jambingapaj mushuj jambicunata rurajpipish...
... achca gentecunami yallitajca corazón ungüihuan huañushpa catincuna.
... achca gentecunami cáncer ungüihuan huañuncuna.
... “achca gentecunami contagiaj millai ungüicunahuan causancuna. Ñaupa ungüicunapish cutinmi ricurishca o shujtaj mushuj ungüicunami ricurishca”. Caitaca economista y demógrafo David Bloom runami shuj revistapi escribirca (Frontiers in Immunology).
Huaquin llajtacunapi achca cullqui tiyajpipish...
... ashtahuan pobre llajtacunapica tucui huatacunami millones huahuacuna huañuncuna.
... achca millones gentecunami maipimi yallitaj basura tiyan lugarcunapi causancuna.
... achca gentecunami agua potableta mana charincuna.
Cunan punllacunapi gentecunapaj derechomanta ashtahuan leycuna tiyajpipish...
... achca llajtacunapica gentecunataca esclavota shinami cꞌatushpa randishpa charincuna. Organización de las Naciones Unidasmanta shuj informepi nishca shinaca, huaquin llajtacunapica chashna problemacuna tiyajpipish “mana yachaj shinami causancuna, chaita chꞌimbapurangapajpish imata mana rurai pudincunachu” ninmi.
ASHTAHUAN YACHANGAPAJCA
JW.ORG paginapi ¿Diospaj Mandanaca imataj can? nishca videota ricui.
¿Bibliapica imatataj yachachin?
Yaya Diosca ñucanchijmantami preocuparin
Ñucanchij llaquicunahuan cajpica Yaya Diospishmi llaquirin.
Yaya Diosca “llaquihuan huañucujpipish yangata shina mana saquircachu, mana shitarcachu. Paipaj ñahuitapish mana shujman churarcachu. Ashtahuanpish paita caparijpica uyarcami” (SALMO 22:24).
“Diosmi cancunataca cuidacun. Chaimanta ima llaquicuna yuyailla canataca paiman mingaichij” (1 PEDRO 5:7).
Llaquicunaca mana huiñaicama tiyashpa catingachu
Bibliapica Yaya Dios tucui llaquicunata tucuchinatami huillan.
‘Diosca paicunapaj ñahuicunamantaca, tucui huiquitami pꞌichanga. Huañuipish, huacaipish, llaquipish, nanaipish ña mana ashtahuan tiyangachu’ (APOCALIPSIS 21:3, 4).
Yaya Diosca tucui llaquicunatami tucuchinga
Paipaj Gobiernohuanmi tucui llaquicunata tucuchinga.
‘Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Paica manataj chingaringachu’ (DANIEL 2:44).